તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સ્ટાર ફાસ્ટ બોલર મોહમ્મદ શમીના ભાઈ વિરૂદ્ધ દુષ્કર્મનો ગુનો!
લગ્નની લાલચ આપી શારીરિક સંબંધ બાંધ્યાનો ગંભીર આરોપ
લખનૌ : ભારતીય ક્રિકેટ ટીમના સ્ટાર ફાસ્ટ બોલર મોહમ્મદ શમીના ભાઈ અને રણજી ક્રિકેટર મોહમ્મદ કૈફની મુશ્કેલીઓ વધી છે. લખનૌની એક મહિલાની ફરિયાદના આધારે મોહમ્મદ કૈફ સામે દુષ્કર્મનો કેસ નોંધવામાં આવ્યો છે. મહિલાનો આરોપ છે કે કૈફે લગ્ન કરવાનો વિશ્વાસ આપીને તેની સાથે શારીરિક સંબંધ બાંધ્યા હતા અને ત્યારબાદ લગ્ન કરવાની વાતથી પાછળ હટવા લાગ્યા હતા.
આ સમગ્ર મામલો લખનૌના આશિયાના પોલીસ સ્ટેશન વિસ્તારનો છે. પોલીસે મોહમ્મદ કૈફ સામે દુષ્કર્મ સંબંધિત કલમો હેઠળ કેસ નોંધ્યો છે. સાથે જ તેમના મોટા ભાઈ મોહમ્મદ હસીબ સામે મહિલાને જાનથી મારી નાખવાની ધમકી આપવાના આરોપમાં પણ કેસ નોંધાયો છે. પોલીસે ફરિયાદના આધારે કાયદેસરની તપાસ શરૂ કરી છે.
ફરિયાદ કરનાર મહિલાના જણાવ્યા અનુસાર વર્ષ ૨૦૨૦માં તે ગાઝિયાબાદમાં રહેતી હતી. આ દરમિયાન એક કોમન ફ્રેન્ડ મારફતે તેની ઓળખાણ મોહમ્મદ કૈફ સાથે થઈ હતી. શરૂઆતમાં બંને વચ્ચે મિત્રતા થઈ અને ત્યારબાદ તેમની મુલાકાતો વધતી ગઈ. મહિલાનો આરોપ છે કે ઓગસ્ટ ૨૦૨૩માં કૈફે તેની સામે લગ્નનો પ્રસ્તાવ મૂક્યો હતો. મહિલાએ કૈફને અગાઉથી જ જણાવ્યું હતું કે તે છૂટાછેડા લીધેલી છે અને તેને એક પુત્ર પણ છે. ફરિયાદ પ્રમાણે કૈફે આ બાબતો સામે કોઈ વાંધો ન હોવાનું કહી લગ્ન કરવાનો વિશ્વાસ આપ્યો હતો.
મહિલાએ પોતાની ફરિયાદમાં જણાવ્યું છે કે ૯ સપ્ટેમ્બર ૨૦૨૩ના રોજ કૈફે તેને કોલકાતાની એક હોટલ માં બોલાવી હતી. મહિલાનો આરોપ છે કે ત્યાં લગ્નની લાલચ આપીને તેની સાથે શારીરિક સંબંધ બનાવવામાં આવ્યા હતા. આ પછી જ્યારે મહિલાએ લગ્ન માટે વાત કરી ત્યારે કૈફ તેને ત્ભ્ન્ ઓક્શન પછી નિકાહ કરવાની વાત કહીને ટાળતા રહ્યા હોવાનો આરોપ છે. મહિલાએ એ પણ જણાવ્યું કે તે એક એરલાઇનમાં કેબિન ક્રૂ (Cabin Crew) તરીકે નોકરી કરતી હતી. ફરિયાદ મુજબ કૈફને તેની આ નોકરી પસંદ નહોતી અને તેમણે તેને નોકરી છોડવા માટે દબાણ કર્યું હતું.
મહિલાનો આરોપ છે કે IPL ઓક્શન પૂર્ણ થયા બાદ મોહમ્મદ કૈફે તેની સાથે અંતર રાખવાનું શરૂ કર્યું હતું. ત્યારબાદ મહિલાએ કૈફના પરિવાર સાથે સંપર્ક કરવાનો પ્રયાસ કર્યો હતો. ફરિયાદ પ્રમાણે ૧૯ મેના રોજ વાતચીત માટે મહિલાને અમરોહા બોલાવવામાં આવી હતી. મહિલાનો આરોપ છે કે ત્યાં મોહમ્મદ કૈફના મોટા ભાઈ મોહમ્મદ હસીબે તેની સાથે ખરાબ વર્તન કર્યું અને તેને ધમકી પણ આપી હતી. ત્યારબાદ મહિલા અમરોહાથી પરત લખનૌના આશિયાના વિસ્તારમાં આવેલા પોતાના ઘરે આવી ગઈ અને પોલીસ પાસે ન્યાયની માંગ કરી.
મહિલાના જણાવ્યા અનુસાર તેણે સૌથી પહેલા ૩૧ ઓગસ્ટના રોજ આશિયાના પોલીસ સ્ટેશનમાં ફરિયાદ કરી હતી. ત્યારબાદ તેણે ઝઘ્ભ્ સમક્ષ પણ પોતાની ફરિયાદ રજૂ કરી હતી. મહિલાનો દાવો છે કે આ છતાં શરૂઆતમાં કોઈ તાત્કાલિક કાર્યવાહી કરવામાં આવી નહોતી. રવિવારે મહિલાની ફરિયાદ સોશિયલ મીડિયા (Social Media) પર વાયરલ થયા બાદ પોલીસ વિભાગમાં હલચલ વધી હતી. ત્યારબાદ ઉચ્ચ અધિકારીઓના નિર્દેશ પર આશિયાના પોલીસે મોહમ્મદ કૈફ અને મોહમ્મદ હસીબ સામે કેસ નોંધ્યો હતો.
DCP સેન્ટ્રલ વિક્રાંત વીરના જણાવ્યા અનુસાર ઉચ્ચ અધિકારીઓના આદેશ બાદ બંને આરોપીઓ સામે કેસ નોંધવામાં આવ્યો છે અને મામલે કાયદેસરની તપાસ શરૂ થઈ ગઈ છે. હાલમાં મહિલાની ફરિયાદના આધારે મોહમ્મદ કૈફ સામે દુષ્કર્મ અને તેમના મોટા ભાઈ મોહમ્મદ હસીબ સામે ધમકી આપવાના આરોપમાં કાર્યવાહી થઈ રહી છે. જોકે, મહિલાએ લગાવેલા આરોપોની સ્વતંત્ર પુષ્ટિ હજુ સુધી થઈ નથી. પોલીસ હવે ફરિયાદમાં કરવામાં આવેલા તમામ દાવાઓ અને ઉપલબ્ધ પુરાવાઓની તપાસ કરી રહી છે
(10:33 AM IST)
છેલ્લા 8 દિવસમાં સૌથી લોકપ્રિય 
