તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
જુનમાં મહિલા ટી૨૦ વર્લ્ડકપઃ ભારત-પાક. એક જ ગ્રુપમાં: કુલ ૧૨ ટીમો
પ્રથમ મેચ ૧૨ જૂને તો ફાઇનલ ૫ જુલાઈના નવી દિલ્હીઃ આઈસીસી મહિલા ટી૨૦ વર્લ્ડકપ ૨૦૨૬નું સંપૂર્ણ શિડ્યૂલ જાહેર કરવામાં આવ્યું છે. આ મેગા ઇવેન્ટમાં ૧૨ ટીમો ભાગ લેશે.
પ્રથમ મેચ ૧૨ જૂને યજમાન ઇંગ્લેન્ડ અને શ્રીલંકા વચ્ચે રમાશે. ટુર્નામેન્ટની ફાઇનલ ૫ જુલાઈએ રમાશે. આ મહિલા ટી૨૦ વર્લ્ડકપની ૧૦મી આવૃત્તિ છે, જેમાં ૧૨ ટીમો ભાગ લઈ રહી છે. ગ્રુપ ૧ માં ઓસ્ટ્રેલિયા, દક્ષિણ આફ્રિકા, ભારત, પાકિસ્તાન, બાંગ્લાદેશ, નેધરલેન્ડ છે, જ્યારે ગ્રુપ ૨ માં વેસ્ટ ઇન્ડીઝ, ઇંગ્લેન્ડ, ન્યુઝીલેન્ડ, શ્રીલંકા, આયર્લેન્ડ અને સ્કોટલેન્ડ છે..
૧૨ જૂને ટુર્નામેન્ટના ઓપનરમાં યજમાન ઈંગ્લેન્ડ શ્રીલંકા સામે ટકરાશે, જ્યારે આયર્લેન્ડ અને સ્કોટલેન્ડ ૧૩ જૂને ઓલ્ડ ટ્રેફોર્ડ ખાતે ઓલ-યુરોપિયન મુકાબલામાં એકબીજા સામે પોતાના અભિયાનની શરૂઆત કરશે. ૨૦ જૂને હેડિગ્લી ખાતે ઈંગ્લેન્ડ સ્કોટલેન્ડ સામે ટકરાશે, ત્યારે આ બંને ટીમો ઈંગ્લેન્ડની ધરતી પર આઈસીસી ઇવેન્ટમાં પહેલીવાર એકબીજા સામે ટકરાશે.
ભારત અને પાકિસ્તાનને ૨૦૨૬ મહિલા ટી૨૦ વર્લ્ડકપ માટે ગ્રુપ ૧ માં સ્થાન આપવામાં આવ્યું છે.
ગ્રુપ સ્ટેજમાં ભારતનો પહેલો મુકાબલો ૧૪ જૂને એજબેસ્ટન ખાતે કટ્ટર હરીફ પાકિસ્તાન સામે થશે. ત્યારબાદ ૧૭ જૂને હેમ્પશાયરમાં નેધરલેન્ડ્સ સામે મુકાબલો થશે. ત્યારબાદ તેઓ ૨૧ જૂને દક્ષિણ આફ્રિકા અને ૨૫ જૂને બાંગ્લાદેશ સામે મુકાબલો કરશે. ભારતનો અંતિમ ગ્રુપ સ્ટેજ મેચ ૨૮ જૂને લોર્ડ્સ ખાતે ઓસ્ટ્રેલિયા સામે થશે.
(4:24 PM IST)
છેલ્લા 8 દિવસમાં સૌથી લોકપ્રિય 
