T20 વર્લ્ડ કપ 2026ની બીજી સુપર 8 મેચમાં ઇંગ્લેન્ડે શ્રીલંકાને 51 રનથી હરાવ્યું. પહેલા બેટિંગ કરતા ઇંગ્લેન્ડનો સ્કોર ખરાબ રહ્યો, તેણે 9 વિકેટ ગુમાવીને 146 રન બનાવ્યા. 147 રનના સ્કોર સાથે એવું લાગતું હતું કે શ્રીલંકાની ટીમ આ લક્ષ્ય સરળતાથી પ્રાપ્ત કરશે, કારણ કે શ્રીલંકા ઘરઆંગણે રમી રહ્યું હતું પરંતુ એવું બન્યું નહીં અને તેમને હારનો સામનો કરવો પડ્યો.

ઇંગ્લેન્ડની બેટિંગ ફિલ સોલ્ટ પર ખૂબ આધાર રાખતી હતી જેણે 40 બોલમાં 62 રન બનાવ્યા હતા. સોલ્ટ સિવાય અન્ય કોઈ બેટ્સમેન સારું પ્રદર્શન કરી શક્યા નહીં, પરંતુ તેમના બોલરોએ ઇંગ્લેન્ડને સ્પર્ધામાં રાખ્યું. ઇંગ્લેન્ડ માટે વિલ જેક્સે બોલ સાથે શાનદાર પ્રદર્શન કર્યું, તેણે ત્રણ વિકેટ લઈને શ્રીલંકાને શરૂઆતમાં જ ફટકો આપ્યો અને ઓછા સ્કોર છતાં યજમાન ટીમને મુશ્કેલીમાં મૂકી દીધી.

ઇંગ્લેન્ડ સામેની આ મેચમાં શ્રીલંકાએ ટોસ જીતીને પ્રથમ બોલિંગ કરવાનો નિર્ણય લીધો. પ્રથમ બેટિંગ કરતા ઇંગ્લેન્ડની શરૂઆત ખરાબ રહી. તેઓએ 16 રન પર પોતાની પહેલી વિકેટ ગુમાવી દીધી. આ પછી, ઇંગ્લેન્ડની ટીમે સતત વિકેટ ગુમાવી પરંતુ વિકેટકીપર-બેટ્સમેન ફિલ સોલ્ટે એક છેડે મજબૂતીથી રમીને અડધી સદી ફટકારી.

સોલ્ટે 40 બોલમાં 62 રન બનાવ્યા, જેમાં 6 ચોગ્ગા અને 2 છગ્ગાનો સમાવેશ થાય છે. સોલ્ટ સિવાય અન્ય કોઈ બેટ્સમેન સારો દેખાવ કર્યો નહીં. વિલ જેક્સ બીજા ક્રમે સૌથી વધુ 21 રન બનાવ્યા. પ્રથમ બેટિંગ કરતા ઇંગ્લેન્ડે 9 વિકેટ ગુમાવીને 146 રન બનાવ્યા, જેનાથી શ્રીલંકાને જીતવા માટે 147 રનનો લક્ષ્યાંક મળ્યો.

147 રનના લક્ષ્યાંકનો પીછો કરતા શ્રીલંકાએ ફક્ત 34 રનમાં પાંચ વિકેટ ગુમાવી દીધી હતી. તેની વાપસીની શક્યતા ઓછી દેખાતી હતી. ઇંગ્લેન્ડ માટે વિલ જેક્સે શાનદાર બોલિંગ કરી, ત્રણ વિકેટ લઈને શ્રીલંકાના ટોચના ક્રમને તોડી નાખ્યો. જોફ્રા આર્ચર, લિયામ ડોસન અને આદિલ રશીદે બે-બે વિકેટ લીધી. શ્રીલંકાની ટીમ ફક્ત 95 રનમાં ઓલઆઉટ થઈ ગઈ અને 51 રનથી મેચ હારી ગઈ.