ટીમ ઈન્ડિયા અમદાવાદના નરેન્દ્ર મોદી સ્ટેડિયમમાં નેધરલેન્ડ્સ સામે T20 વર્લ્ડ કપ 2026 ની પોતાની છેલ્લી ગ્રુપ સ્ટેજ મેચ રમી રહી છે. પહેલા બેટિંગ કરતા ભારતે નેધરલેન્ડ્સ માટે 194 રનનો લક્ષ્યાંક રાખ્યો હતો. ભારતીય ઇનિંગ દરમિયાન, અનુભવી ડચ ખેલાડી રોલોફ વાન ડેર મેર્વેએ ચાહકોના દિલ જીતી લીધા. તેણે એક અદભુત કેચ પકડ્યો જેનાથી બધા સ્તબ્ધ થઈ ગયા

    41 વર્ષીય વાન ડેર મેર્વેએ હવામાં ઉંચે ઉડતા તિલક વર્માનો એક અદભુત કેચ પકડ્યો. આ કેચનો વીડિયો સોશિયલ મીડિયા પર ઝડપથી વાયરલ થઈ રહ્યો છે. 

નેધરલેન્ડ્સ સામે ત્રીજા નંબરે બેટિંગ કરતા, તિલક વર્માએ ધીમે ધીમે શરૂઆત કરી, પરંતુ પછી તેણે ગીઅર બદલ્યા અને આક્રમક બન્યા. તિલક 27 બોલમાં 31 રન બનાવ્યા, જેમાં ત્રણ ચોગ્ગા અને એક છગ્ગા ફટકાર્યા. જોકે, નવમી ઓવરના છેલ્લા બોલ પર લોગન વાન બીક સામે આક્રમક શોટ મારવાનો પ્રયાસ કરતી વખતે તેણે પોતાની વિકેટ ગુમાવી દીધી. 

 . તિલક જ્યારે હવાઈ શોટ લેવાનો પ્રયાસ કરી રહ્યો હતો, ત્યારે બાઉન્ડ્રી પર ઊભેલા રોલોફ વાન ડેર મેર્વેએ એક શાનદાર કેચ પકડીને તેની ઇનિંગનો અંત લાવ્યો. વાન ડેર મેર્વેએ જમણી બાજુ ડાઇવ કરીને એક શાનદાર કેચ પકડ્યો, જેનાથી દર્શકો આશ્ચર્યચકિત થઈ ગયા. આઈસીસીએ પોતે આ શાનદાર કેચનો વીડિયો સોશિયલ મીડિયા પર શેર કર્યો

   . મેચની વાત કરીએ તો, ટોસ જીતીને પહેલા બેટિંગ કરવાનો નિર્ણય લેનાર ભારતે 20 ઓવરમાં 6 વિકેટે 193 રનનો વિશાળ સ્કોર બનાવ્યો હતો. જોકે, ભારતની શરૂઆત નબળી રહી હતી, અભિષેક શર્મા ફરી એકવાર કોઈ રન બનાવ્યા વિના આઉટ થયો હતો. ઈશાન કિશન 7 બોલમાં માત્ર 18 રન બનાવીને આઉટ થયો હતો. ત્યારબાદ તિલક વર્મા અને કેપ્ટન સૂર્યકુમાર યાદવે ઇનિંગ્સને મજબૂત બનાવી. તિલક 27 બોલમાં 32 રન ઉમેર્યા, જ્યારે સૂર્યકુમાર યાદવે 28 બોલમાં 34 રન બનાવ્યા.

ત્યારબાદ શિવમ દુબે અને હાર્દિક પંડ્યાએ ઝડપથી રન બનાવ્યા, પાંચમી વિકેટ માટે માત્ર 35 બોલમાં 76 રનની ભાગીદારી નોંધાવી, જેનાથી ટીમને મજબૂત સ્કોર મળ્યો. દુબેએ 31 બોલમાં 66 રન ફટકાર્યા, જેમાં 3 ચોગ્ગા અને 5 છગ્ગાનો સમાવેશ થાય છે. હાર્દિકના 21 બોલમાં 30 રનથી ઇનિંગ્સ પાવરફુલ બની ગઈ. નેધરલેન્ડ્સ માટે, આર્યન દત્તે 2 વિકેટ લીધી, જ્યારે બાસ ડી લીડે અને કાયલ ક્લેઇને 1-1 વિકેટ લીધી.