તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
વૈભવ સૂર્યવંશીની ચમકી કિસ્મત : રૂ.૧૩,૦૦૦ કરોડની કિંમતની કંપનીનો બ્રાન્ડ એમ્બેસેડર બન્યો
૧૪ વર્ષીય વિસ્ફોટક બેટ્સમેન વૈભવ સૂર્યવંશીએ હવે બ્રાન્ડ એન્ડોર્સમેન્ટની દુનિયામાં પ્રવેશ કર્યો છે
મુંબઇ, તા.૧૦: ભારતના યુથ સેન્સેશન વૈભવ સૂર્યવંશીએ ૧૪ વર્ષની ઉંમરે ક્રિકેટની દુનિયામાં પોતાનું નામ બનાવી લીધું છે. તેણે તાજેતરમાં જ ભારતની અંડર-૧૯ વર્લ્ડ કપ જીતમાં મુખ્ય ભૂમિકા ભજવી હતી, ફાઇનલમાં ઐતિહાસિક ૧૭૫ રન બનાવ્યા હતા. વૈભવ સૂર્યવંશી હવે બ્રાન્ડ એન્ડોર્સમેન્ટની દુનિયામાં પોતાની ઓળખ બનાવવા માટે તૈયાર છે. રૂ.૫,૦૦૦ કરોડથી વધુ મૂલ્યની બ્રાન્ડે તેને પોતાના બ્રાન્ડ એમ્બેસેડર તરીકે સાઇન કર્યો છે.
વૈભવ કોમ્પ્લેનનો બ્રાન્ડ એમ્બેસેડર બન્યો
વૈભવ સૂર્યવંશી કોમ્પ્લેનની એક નવી જાહેરાતમાં દેખાયો છે. ઝાયડસ વેલનેસેની આ ન્યુટ્રીશનલ ડ્રીંક બ્રાન્ડે વૈભવને તેના બ્રાન્ડ એમ્બેસેડર તરીકે સાઇન કર્યો છે અને તેની સાથે એક નવી ઝુંબેશ શરૂ કરી છે. આ ઝુંબેશનું શીર્ષક ‘થોડા પ્લાન, થોડા કોમ્પ્લેન' છે. મીડિયા અહેવાલો અનુસાર, ઝાયડસ વેલનેસની કુલ નેટવર્થ રૂ.૧૩,૦૦૦ કરોડથી વધુ છે. આ જાહેરાત વૈભવની સફર પર કેન્દ્રિત છે, કેવી રીતે તેણે નાનપણથી જ સખત મહેનત, આયોજન અને સતત પ્રેક્ટિસ દ્વારા તેના મોટા સપનાઓ સાકાર કર્યા.
અંડર-૧૯ વર્લ્ડ કપમાં તાકાત બતાવી : વૈભવ સૂર્યવંશીએ અંડર-૧૯ વર્લ્ડ કપ ૨૦૨૬ ની ફાઇનલમાં ભારતની ઐતિહાસિક જીતમાં મુખ્ય ભૂમિકા ભજવી હતી. ઇંગ્લેન્ડ સામે માત્ર ૮૦ બોલમાં ૧૫ ચોગ્ગા અને ૧૫ છગ્ગાની મદદથી તેણે કરેલા ધમાકેદાર ૧૭૫ રન બનાવ્યા. ટુર્નામેન્ટમાં, વૈભવ સૂર્યવંશીએ સાત મેચમાં ૬૨.૭૧ ની સરેરાશથી ૪૩૯ રન બનાવ્યા. તેણે એક સદી અને ત્રણ અડધી સદી ફટકારી અને ભારતનો સૌથી વધુ રન બનાવનાર ખેલાડી બન્યો.
IPL ૨૦૨૬ માં મચાવશે ધમાલઃ હવે, IPL ૨૦૨૬ વૈભવ સૂર્યવંશી માટે એક મોટું પ્લેટફોર્મ હશે. તે રાજસ્થાન રોયલ્સ માટે ઓપનર તરીકે રમી શકે છે. IPLમાંથી તેને મળતો અનુભવ તેને આંતરરાષ્ટ્રીય સ્તર માટે તૈયાર કરશે, અને તે બ્રાન્ડ એન્ડોર્સમેન્ટમાં પણ એક મોટું નામ બની શકે છે, જેમ તે ૨૦૨૫ માં ભારતનો સૌથી વધુ સર્ચ કરાયેલ ખેલાડી બન્યો હતો
(10:35 AM IST)
છેલ્લા 8 દિવસમાં સૌથી લોકપ્રિય 
