વડોદરા: વિમેન્સ પ્રીમિયર લીગ ૨૦૨૬ હવે તેના સૌથી રોમાંચક તબક્કે પહોંચી છે. રોયલ ચેલેન્જર્સ બેંગલુરુ (RCB) એ ગુરુવારે યુપી વોરિયર્સ સામે શાનદાર જીત મેળવીને સીધા ફાઇનલમાં પ્રવેશ કરી લીધો છે. હવે બાકી રહેલા બે પ્લેઓફ સ્થાનો (એલિમિનેટર) માટે મુંબઈ ઇન્ડિયન્સ (MI), દિલ્હી કેપિટલ્સ (DC) અને ગુજરાત જાયન્ટ્સ (GG) વચ્ચે જબરદસ્ત સ્પર્ધા છે.

આજે વડોદરાના BCA સ્ટેડિયમમાં ગુજરાત જાયન્ટ્સ અને મુંબઈ ઇન્ડિયન્સ વચ્ચે અત્યંત મહત્વની મેચ રમાશે. આ મેચનું પરિણામ પ્લેઓફનું ચિત્ર ઘણું સ્પષ્ટ કરશે.

પ્લેઓફના સમીકરણો: કોણ ક્યાં છે?

ટીમો માટે જીતની શરતો:

·         મુંબઈ ઈન્ડિયન્સ: જો મુંબઈ આજે ગુજરાતને હરાવે છે, તો તેઓ ૮ પોઈન્ટ સાથે મજબૂત સ્થિતિમાં આવી જશે. તેમનો NRR સારો હોવાથી તેઓ પ્લેઓફની રેસમાં સૌથી આગળ રહેશે.

·         ગુજરાત જાયન્ટ્સ: જો ગુજરાત આજે જીતશે તો તે ૧૦ પોઈન્ટ સાથે પ્લેઓફમાં પોતાની જગ્યા પાકી કરી લેશે. હારની સ્થિતિમાં તેમણે દિલ્હીની હારની પ્રાર્થના કરવી પડશે.

·         દિલ્હી કેપિટલ્સ: દિલ્હી માટે રવિવારની મેચ 'નોકઆઉટ' જેવી રહેશે. જો તેઓ યુપી વોરિયર્સને હરાવે છે, તો પોઈન્ટ ટેબલમાં ઉથલપાથલ સર્જાઈ શકે છે.

ખાસ નોંધ: મુંબઈની નેટ સાયવર-બ્રન્ટ હાલમાં ઓરેન્જ કેપ (૩૧૯ રન) સાથે સૌથી આગળ છે અને તેણે આ સિઝનમાં WPL ઈતિહાસની પ્રથમ સદી પણ ફટકારી છે. જ્યારે પર્પલ કેપ માટે RCB ની નેડિન ડી ક્લાર્ક (૧૫ વિકેટ) ટોચ પર છે.