દોહા (કતાર), ૧૯ નવેમ્બર, ૨૦૨૫: ક્રિકેટ જગતમાં, ભારત A ટીમે કતારના દોહામાં ચાલી રહેલા રાઇઝિંગ સ્ટાર્સ એશિયા કપ ૨૦૨૫ની ટુર્નામેન્ટની સેમિફાઇનલમાં પ્રવેશ મેળવી લીધો છે. ગઈ કાલે રાત્રે રમાયેલી તેમની અંતિમ ગ્રુપ B મેચમાં ભારતે ઓમાનને છ વિકેટથી હરાવીને આ સિદ્ધિ હાંસલ કરી છે.

પ્રથમ ફિલ્ડિંગ કરવાનો નિર્ણય લીધા પછી, ભારતીય ક્રિકેટ ટીમે અસરકારક બોલિંગ પ્રદર્શન કર્યંર અને ઓમાનને નિર્ધારિત ૨૦ ઓવરમાં ૭ વિકેટે ૧૩૫ રન સુધી સીમિત કરી દીધું.

જવાબમાં, ભારત A એ આત્મવિશ્વાસ સાથે ૧૩૬ રનના લક્ષ્યનો પીછો કર્યો. ભારતીય બેટ્સમેનોએ શાનદાર પ્રદર્શન કરતા ૧૭.૫ ઓવરમાં જ ૪ વિકેટના નુકસાન પર ૧૩૮ રન બનાવીને મેચ જીતી લીધી.

આ વિજયથી ભારત A એ ગ્રુપ B પોઈન્ટ ટેબલ પર બીજા સ્થાને પોતાનું સ્થાન નિશ્ચિત કર્યું છે અને સેમિફાઇનલમાં પ્રવેશ મેળવ્યો છે. શુક્રવારે રમાનારી સેમિફાઇનલમાં, ભારતનો મુકાબલો ગ્રુપ Aના વિજેતા ટીમ સામે થશે, જેનો નિર્ણય આવતીકાલે લેવામાં આવશે.