ટોક્યો : ભારતીય બેડમિન્ટન સ્ટાર લક્ષ્ય સેન જાપાન માસ્ટર્સ (Japan Masters) ની પુરુષોની સિંગલ્સ સ્પર્ધાના ક્વાર્ટર ફાઇનલમાં પહોંચી ગયો છે. ટુર્નામેન્ટમાં સાતમો ક્રમાંક ધરાવતા લક્ષ્ય સેને સિંગાપોરના જિયા હેંગ જેસન તેહ ને માત્ર બે ગેમમાં જ હરાવી દીધો હતો. લક્ષ્ય સેને આ મેચ ૨૧-૧૩, ૨૧-૧૧ ના સીધા સ્કોરથી જીતી લીધી.

લક્ષ્ય સેને બીજી ગેમની શરૂઆતથી જ દબદબો જાળવી રાખ્યો હતો, જ્યાં તે ૫-૦ અને પછી ૧૧-૩ થી આગળ રહ્યો હતો.

આગામી મુકાબલો: ક્વાર્ટર ફાઇનલમાં લક્ષ્ય સેનનો મુકાબલો સિંગાપોરના ભૂતપૂર્વ વિશ્વ ચેમ્પિયન લો કિઆન યુ સામે થશે. જોકે, ભારતના અન્ય સ્ટાર ખેલાડી એચ.એસ. પ્રણય ની મેચ આજે ડેનમાર્કના રાસમસ ગેમકે સામે રમાશે.