તા. ૪ નવેમ્બરે ર૦ર૫ વિક્રમ સંવત ર૦૮૨ કારતક સુદ – ૧૪ મંગળવાર
બદલામાં જાડેજા અને બે બી ડી વિલિયર્સ આપો, રાજસ્થાન રોયલ્સની માંગથી સીએસકે આશ્ચર્યચકિત!
રાજસ્થાન રોયલ્સ અને ચેન્નાઇ સુપર કિંગ્સ વચ્ચે ડીલ લગભગ અંતિમ તબકકામાં હતી પણ રાજસ્થાનની અણધારી માંગને લીધે ટ્રેડ ડીલ
નવી દિલ્હીઃ આઇલપીએલ ર૦ર૬ મેગા ઓક્શન પહેલા, રાજસ્થાન રોયલ્સ અને ચેન્નાઈ સુપર કિંગ્સ વચ્ચે સંજુ સેમસનને ટ્રેડ કરવાની ડીલ લગભગ અંતિમ તબક્કામાં હતી, પરંતુ રાજસ્થાનની અણધારી માંગને કારણે આ ડીલ અટકી પડી છે. અગાઉ એવી અટકળો હતી કે સેમસનના બદલામાં રાજસ્થાન રોયલ માત્ર રવિન્દ્ર જાડેજાને ટ્રેડ કરશે, પરંતુ ક્રિકબઝના અહેવાલ મુજબ, મેનેજમેન્ટે હવે સેમસનના સ્થાને રવિન્દ્ર જાડેજા અને સાથે ડેવાલ્ડ બ્રેવિસને પણ ટ્રેડ કરવાની માંગણી કરી છે, જેને ‘બેબીડી વિલિયર્સ' તરીકે ઓળખવામાં આવે છે. સીએસકે , જે માત્ર જાડેજાને છોડવા તૈયાર છે, તે બ્રેવિસને ટ્રેડ કરવા બિલકુલ તૈયાર નથી, જેના કારણે આ મહત્ત્વપૂર્ણ ખેલાડીની અદલાબદલી અટકી ગઈ છે.
આગામી આઇપીએલ સીઝન માટે સંજુ સેમસન કઈ ટીમ તરફથી રમશે તે ક્રિકેટ જગતમાં એક મોટો ચર્ચાનો વિષય બન્યો છે. મીડિયા અહેવાલો મુજબ, રાજસ્થાન રોયલ્સ અને ચેન્નાઈ સુપર કિંગ્સ વચ્ચે સેમસનના ટ્રેડ માટેની વાટાદ્યાટો લગભગ સમાપ્તિના આરે હતી. ગયા વર્ષે સેમસન અને જાડેજા બંનેને તેમની સંબંધિત ટીમો દ્વારા ઈં ૧૮ કરોડ ના સ્લોટમાં જાળવી રાખવામાં આવ્યા હતા, જેના કારણે સીધી અદલાબદલી સરળ લાગતી હતી.
ટ્રેડમાં વિલંબ થતાં ય્ય્ ફ્રેન્ચાઇઝીના અધિકારીઓએ સંજુ સેમસનના સંભવિત ટ્રેડ માટે અન્ય દ્યણી ટીમોનો પણ સંપર્ક કર્યો છે. આ ટીમોમાં સનરાઇઝર્સ હૈદરાબાદ દિલ્હી કેપિટલ્સ , કોલકાતા નાઈટ રાઈડર્સ અને લખનૌ સુપર જાયન્ટ્સ નો સમાવેશ થાય છે. જોકે, સનરાઇઝર્સ હૈદરાબાદે સેમસનમાં વધારે રસ દાખવ્યો નથી, કારણ કે તેમની પાસે પહેલેથી જ ત્રણ ઉત્તમ ઓપનિંગ બેટિંગ વિકલ્પો ઉપલબ્ધ છે. હવે જોવાનું એ રહે છે કે શું રાજસ્થાન રોયલ્સની માંગ પૂરી થાય છે કે પછી સંજુ સેમસન અન્ય કોઈ ફ્રેન્ચાઇઝી સાથે જોડાય છે.
(3:27 PM IST)
છેલ્લા 8 દિવસમાં સૌથી લોકપ્રિય 
