નવી દિલ્હી: ભારતીય શૂટિંગ જગત માટે ગૌરવપૂર્ણ સમાચાર આવ્યા છે! ઇજિપ્તમાં યોજાઈ રહેલી ISSF વર્લ્ડ ચેમ્પિયનશિપમાં ભારતીય શૂટર રવિન્દર સિંહે પુરુષોની 50 મીટર પિસ્તોલ ઇવેન્ટમાં ગોલ્ડ મેડલ જીતીને દેશનું નામ રોશન કર્યું છે.

રવિન્દરે 569ના પ્રભાવશાળી સ્કોર સાથે પોતાના હરીફોને હરાવ્યા અને પોડિયમ પર ટોચનું સ્થાન હાંસલ કર્યું.

આ ઉપરાંત, રવિન્દર સિંહ, કમલજીત અને યોગેશ કુમારની ભારતીય ત્રિપુટીએ પણ ટીમ ઇવેન્ટમાં દમદાર પ્રદર્શન કર્યું હતું. આ ત્રિપુટીએ કુલ 1646 પોઈન્ટ સાથે પુરુષોની 50 મીટર પિસ્તોલ ટીમ ઇવેન્ટમાં સિલ્વર મેડલ જીત્યો છે. રવિન્દર સિંહનો આ વ્યક્તિગત ગોલ્ડ મેડલ ISSF વર્લ્ડ ચેમ્પિયનશિપમાં ભારત માટે એક મોટી સિદ્ધિ છે.