ગાબ્બા: ટીમ ઇન્ડિયાના યુવા ઓપનિંગ બેટ્સમેન અભિષેક શર્માએ ઓસ્ટ્રેલિયા સામેની 5મી T20I મેચમાં પોતાની વિસ્ફોટક બેટિંગથી ક્રિકેટ જગતમાં નવો ધમાકો કર્યો છે. શુભમન ગિલ સાથે ઇનિંગની શરૂઆત કરતાં, અભિષેક શર્મા T20I ક્રિકેટમાં સૌથી ઓછા બોલમાં 1000 રન પૂરા કરનાર વિશ્વનો સૌથી ઝડપી બેટ્સમેન બની ગયો છે!

આ સિદ્ધિ સાથે અભિષેકે ભારતીય ક્રિકેટના 'મિસ્ટર 360' સૂર્યકુમાર યાદવનો મોટો રેકોર્ડ તોડી નાખ્યો છે.
બેટ્સમેન    T20I માં 1000 રન (બોલની સંખ્યા)
અભિષેક શર્મા    528 બોલ
સૂર્યકુમાર યાદવ    573 બોલ
ફિલ સોલ્ટ (ઇંગ્લેન્ડ)    599 બોલ

કોહલીનો રેકોર્ડ માંડ બચ્યો!: અભિષેક શર્મા (28 ઇનિંગ્સ) માંડ માંડ વિરાટ કોહલીનો એક રેકોર્ડ તોડવાથી ચૂકી ગયો. T20I માં સૌથી ઓછી ઇનિંગ્સમાં 1000 રન બનાવવાનો રેકોર્ડ હજી પણ વિરાટ કોહલી (27 ઇનિંગ્સ)ના નામે છે. આ મામલે કેએલ રાહુલ (29 ઇનિંગ્સ) ત્રીજા સ્થાને અને સૂર્યકુમાર યાદવ (31 ઇનિંગ્સ) ચોથા સ્થાને છે.

મેચની સ્થિતિ: ગાબ્બામાં રમાઈ રહેલી 5મી T20Iમાં ઓસ્ટ્રેલિયાના કેપ્ટન મિશેલ માર્શે ટોસ જીતીને પ્રથમ બોલિંગ કરવાનો નિર્ણય લીધો હતો. ખરાબ હવામાનને કારણે રમત રોકાય તે પહેલાં, ભારતે 4.5 ઓવરમાં કોઈ પણ વિકેટ ગુમાવ્યા વિના 52 રન બનાવીને મજબૂત શરૂઆત કરી હતી, જેમાં અભિષેકે આ તોફાની બેટિંગ કરી હતી.