મુંબઈ: આઈસીસી મહિલા ક્રિકેટ વર્લ્ડ કપ ૨૦૨૫ની ૨૮મી મેચમાં આજે (૨૬ ઓક્ટોબર) ભારતીય ટીમ નવી મુંબઈની ડીવાય પાટિલ સ્પોર્ટ્સ એકેડેમી ખાતે બાંગ્લાદેશ સામે ટકરાશે. ભારતીય કેપ્ટન હરમનપ્રીત કૌરે ટોસ જીતીને પહેલા બોલિંગ કરવાનો નિર્ણય લીધો છે.
ભારતીય ટીમ પહેલેથી જ સેમિફાઇનલ માટે ક્વોલિફાય થઈ ચૂકી છે અને હવે ૩૦ ઓક્ટોબરે તેનો મુકાબલો ઓસ્ટ્રેલિયા સામે થશે. સેમિફાઇનલ પહેલાં આ છેલ્લી લીગ મેચમાં ભારત જીત સાથે પોતાની ગતિ અને આત્મવિશ્વાસ જાળવી રાખવાનો લક્ષ્ય રાખશે, જ્યારે બાંગ્લાદેશની ટીમ ટુર્નામેન્ટમાંથી બહાર થઈ ગઈ છે.
પિચ અને હવામાનનો ખતરો:
નવી મુંબઈની ડીવાય પાટિલની પિચ બેટિંગ માટે આદર્શ અને હાઇ-સ્કોરિંગ મેચ માટે અનુકૂળ છે. જોકે, રવિવારની મેચ પર હવામાનનો ખતરો મંડરાઈ રહ્યો છે. આજે ૭૫% વરસાદની સંભાવના છે અને વહેલી સવારે વરસાદ શરૂ થઈ ગયો છે.
ટીમ ઇન્ડિયાનો દબદબો:
બંને ટીમો વચ્ચેના ભૂતકાળના મુકાબલામાં ભારતનો હાથ ઉપર રહ્યો છે.
 કુલ મેચ: ૮
 ભારતની જીત: ૬
 બાંગ્લાદેશની જીત: ૧
 ટાઈ: ૧
પ્લેઇંગ ઇલેવન:
ભારત: પ્રતિકા રાવલ, સ્મૃતિ મંધાના, હરલીન દેઓલ, જેમિમાહ રોડ્રિગ્સ, હરમનપ્રીત કૌર (કેપ્ટન), દીપ્તિ શર્મા, ઉમા છેત્રી (વિકેટકીપર), અમનજોત કૌર, રાધા યાદવ, શ્રી ચરાણી, રેણુકા સિંહ ઠાકુર.
બાંગ્લાદેશ: સુમૈયા અખ્તર, રૂબ્યા હૈદર ઝેલિક, શર્મિન અખ્તર, શોભના મોસ્તારી, નિગાર સુલ્તાના (વિકેટકીપર/કેપ્ટન), શોર્ના અખ્તર, રિતુ મોની, રાબેયા ખાન, નાહિદા અખ્તર, નિશિતા અખ્તર નિશી, મારુફા અખ્તર.