ભારત અને વેસ્ટ ઈન્ડિઝ વચ્ચે બે ટેસ્ટ મેચની શ્રેણીની બીજી ટેસ્ટ 10 ઓક્ટોબરે દિલ્હીના અરુણ જેટલી સ્ટેડિયમ ખાતે રમાઈ રહયો છે મેચના પહેલા દિવસે વેસ્ટ ઈન્ડિઝના ફાસ્ટ બોલર જેડન સીલ્સે ફાઉલ કર્યો હતો, જેના કારણે ICCએ તેને કડક દંડ ફટકાર્યો હતો. તેને મેચ ફીના 25 ટકા દંડ ફટકારવામાં આવ્યો છે અને ડિમેરિટ પોઈન્ટ પણ મળ્યા છે. 

  આ ઘટના ટેસ્ટના પહેલા દિવસે ભારતીય ઇનિંગ્સની 29મી ઓવર દરમિયાન બની હતી, જ્યારે સીલ્સે તેના ફોલો-થ્રુ પર બોલ ફિલ્ડ કર્યો હતો અને ક્રીઝ પર બેટિંગ કરી રહેલા યશસ્વી જયસ્વાલને બોલ વાગ્યો હતો, જે તેને પેડ પર વાગ્યો હતો. આમ કરવાથી, તેને ખેલાડીઓ અને ખેલાડી સહાયક કર્મચારીઓ માટે ICC આચારસંહિતાની કલમ 2.9 ના ઉલ્લંઘનનો દોષી ઠેરવવામાં આવ્યો છે. 

  ઉલ્લંઘન બદલ તેની મેચ ફીના 25 ટકા દંડ ઉપરાંત, સીલ્સને 24 મહિનાના સમયગાળામાં તેનો બીજો ડિમેરિટ પોઇન્ટ પણ આપવામાં આવ્યો છે. તેને અગાઉ ડિસેમ્બર 2024 માં બાંગ્લાદેશ સામે એક ડિમેરિટ પોઇન્ટ મળ્યો હતો.

આ મેચમાં યશસ્વી જયસ્વાલે શાનદાર સદી ફટકારી હતી. જોકે, તે બેવડી સદી ચૂકી ગયો હતો. તેણે રન આઉટ થતાં પહેલા 258 બોલમાં 175 રન બનાવ્યા હતા. તેણે 22 ચોગ્ગા પણ ફટકાર્યા હતા. તેની સાથે શુભમન ગિલે પણ 129 રનની શાનદાર ઇનિંગ રમી હતી.