તા. ૨૧ ઓગષ્ટ ર૦ર૬ વિક્રમ સંવત ર૦૮૨ શ્રાવણ સુદ – ૯ શુક્રવાર
કાલથી બીજો ટેસ્ટઃ વિન્ડીઝને કચડવા ટીમ ઇન્ડિયા સજજ
બુમરાહને આરામ આપશેઃ કાળી માટીમાં બનાવેલી પીચમાં બેટરોને ફાયદો થશે, ચોથા, પાંચમા દિવસે સ્પિનરોને મદદ મળશે
નવી દિલ્હીઃભારત અને વેસ્ટ ઈન્ડિઝ વચ્ચે ચાલી રહેલી બે ટેસ્ટ મેચની નો બીજો મુકાબલો દિલ્હીના અરુણ જેટલી સ્ટેડિયમમાં શુક્રવાર ૧૦ ઓક્ટોબરથી શરૂ થશે.ભારતીય ટીમ સીરિઝની પહેલી મેચ જીતીને પહેલાથી જ આગળ નીકળી ગઈ છે.તેથી એવી શક્યતા છે કે ભારતીય ટીમ બીજી મેચમાં પ્રયોગ કરશે.નવા અને યુવા ખેલાડીઓની કસોટી કરવા માટે કેટલાક ખેલાડીઓને આરામ આપવામાં આવી શકે છે. બુમરાહને બીજી ટેસ્ટમાં આરામ મળી શકે છે.
પહેલી મેચ ઇનિંગ્સથી જીત્યા બાદ ભારતનું મનોબળ ઉંચુ છે.દરમિયાન વેસ્ટ ઈન્ડિઝની ટીમ ભારત માટે મજબૂત હરીફ દેખાતી નથી.એવું માનવામાં આવે છે કે દિલ્હીના અરુણ જેટલી સ્ટેડિયમની પીચ બેટ્સમેન માટે અનુકૂળ રહેશે, એટલે કે અહીં વધુ સદી ફટકારી શકાય છે. ભારતીય ટીમની સંભવિત પ્લેઇંગ ઇલેવન અંગે, એવું માનવામાં આવે છે કે જસપ્રીત બુમરાહને આ મેચ માટે આરામ આપવામાં આવી શકે છે.સતત એશિયા કપ મેચ રમ્યા બાદ,બુમરાહએ વેસ્ટ ઈન્ડિઝ સામે પણ તેની પહેલી મેચ રમી હતી. તેના વર્કલોડને મેનેજ કરવા માટે તેને આરામ આપવાની ચર્ચા ચાલી રહી છે. એવું માનવામાં આવે છે કે આ મેચમાં તેમના સ્થાને પ્રખ્યાત કૃષ્ણને તક આપવામાં આવી શકે છે.
અહેવાલો અનુસાર, દિલ્હીની પિચ કાળી માટી પર તૈયાર કરવામાં આવી છે. શરૂઆતના દિવસોમાં આ સપાટી બેટિંગ માટે સહાયક રહેશે. તેમાં થોડુ દ્યાસ અને સમથળ સપાટી હોવાને કારણે બેટ્સમેનને શોટ રમવામાં સરળતા મળશે. પરંતુ જેમ જેમ મેચ આગળ વધશે અને સપાટી સૂકાઈ જશે, તેમ સ્પિન બોલરોને ટર્ન અને બાઉન્સ બંનેમાં મદદ મળશે. ચોથા અને પાંચમા દિવસમાં બોલ ધીમો થઈને સ્પિનરોને ખતરનાક બનાવી શકે છે.
દિલ્હીની પિચ પર બેટ્સમેન માટે શરૂઆતમાં રન બનાવવાનો સારો મોકો રહેશે, ખાસ કરીને શુભમન ગિલ, યશસ્વી જયસ્વાલ અને કેએલ રાહુલ જેવા ટોપ ઓર્ડર માટે. પરંતુ સ્પિનર રવીન્દ્ર જાડેજા, અક્ષર પટેલ અને કુલદીપ યાદવ આગળના દિવસોમાં મેદાન પર ત્રાટકશે તેવી આશા છે. વેસ્ટ ઈન્ડિઝ તરફથી રોસ્ટન ચેઝ અને જોમેલ વોરિકન ટીમના મુખ્ય સ્પિન વિકલ્પ હશે.
ભારત હાલમાં WTC પોઈન્ટ ટેબલમાં ત્રીજા ક્રમે છે. તેઓ વધુ પોઈન્ટ મેળવવા અને શ્રીલંકાની નજીક પહોંચવાનો પ્રયાસ કરશે.જે હાલમાં બીજા સ્થાને છે.જો દિલ્હી સારી બેટિંગ પિચ પૂરી પાડે છે.તો ભારતીય ટીમ તરફથી કેટલીક મોટી સદીઓ જોવા મળી શકે છે.
ભારતની સંભવિત પ્લેઈંગ ૧૧: યશસ્વી જયસ્વાલ,કેએલ રાહુલ,દેવદત્ત પડિકલ,શુભમન ગિલ,ધ્રુવ જુરેલ,રવિન્દ્ર જાડેજા,વોશિંગ્ટન સુંદર,નીતિશ કુમાર રેડ્ડી,કુલદીપ યાદવ,પ્રસિદ્ધ કૃષ્ણા,મોહમ્મદ સિરાજ (૩પ-ર૩)
(3:48 PM IST)
છેલ્લા 8 દિવસમાં સૌથી લોકપ્રિય 
