નવી દિલ્‍હીઃ એશિયા કપ ફાઇનલ પહેલા ટીમ ઇન્‍ડિયાને મોટો ઝટકો લાગ્‍યો છે. શ્રીલંકા સામેની મેચમાં ઓલરાઉન્‍ડર હાર્દિક પંડ્‍યા માત્ર એક ઓવર ફેંક્‍યા પછી મેદાન છોડી જતો રહ્યો હતો. સ્‍ટાર ઓપનર અભિષેક શર્મા પણ ઈન્‍જર્ડ હોય તેવું દેખાયું હતું.

જોકે, બોલિંગ કોચ મોર્કેલે પાછળથી ખુલાસો કર્યો હતો કે દુબઈમાં ભેજવાળી પરિસ્‍થિતિમાં પંડ્‍યાને સ્‍ટ્રેચનો સામનો કરવો પડ્‍યો હતો. ટીમ મેનેજમેન્‍ટે રાહતનો શ્વાસ લીધો હતો અને પુષ્ટિ કરી હતી કે ઓલરાઉન્‍ડરને કોઈ ગંભીર ઈજા થઈ નથી. જો કે, ફાઇનલ માટે તેની ઉપલબ્‍ધતા અંગેનો નિર્ણય આજે ફિટનેસ મૂલ્‍યાંકન પછી લેવામાં આવશે.