ઓસ્ટ્રેલિયાની મહિલા ટીમે પોતાનો સર્વોચ્ચ ODI સ્કોર નોંધાવ્યો છે. ભારતીય મહિલા ટીમ સામેની ત્રીજી અને અંતિમ ODIમાં તેઓએ 47.5 ઓવરમાં 412 રન બનાવ્યા. જવાબમાં, ટીમ ઈન્ડિયાની ઓપનર સ્મૃતિ મંધાનાએ ઝડપી શરૂઆત કરી અને ઓસ્ટ્રેલિયન બોલરોને સારી રીતે હરાવ્યા. આ દરમિયાન, સ્મૃતિએ ODIમાં સૌથી ઝડપી અડધી સદીનો રેકોર્ડ બનાવ્યો હતો 

    ઓસ્ટ્રેલિયા મહિલા ટીમ સામેની બીજી વનડેમાં શાનદાર સદી ફટકારનાર સ્મૃતિ મંધાનાએ ત્રીજી વનડેમાં પણ એ જ રીતે બેટિંગ ચાલુ રાખી. 413 રનના લક્ષ્યનો પીછો કરતી વખતે, સ્મૃતિ મંધાનાએ ધમાકેદાર ઈનિંગ રમી, માત્ર 23 બોલમાં બે છગ્ગા અને નવ ચોગ્ગા સાથે અડધી સદી ફટકારી. મહિલા ટીમમાં ભારતીય ટીમ દ્વારા ફટકારવામાં આવેલી આ સૌથી ઝડપી અડધી સદી છે. અગાઉ તેણે બીજી વનડેમાં પણ આ જ રેકોર્ડ પોતાના નામે કર્યો હતો. 

   ઓસ્ટ્રેલિયા સામેની બીજી વનડેમાં, સ્મૃતિ મંધાનાએ ભારત માટે બીજી સૌથી ઝડપી સદી ફટકારી. અગાઉ, તેણીએ ભારતીય ખેલાડી દ્વારા સૌથી ઝડપી સદીનો રેકોર્ડ બનાવ્યો હતો. આ વર્ષની શરૂઆતમાં, તેણીએ આયર્લેન્ડ સામે 70 બોલમાં સદી ફટકારી હતી.

  ત્યારબાદ તેણીએ ઓસ્ટ્રેલિયા સામેની બીજી વનડેમાં 77 બોલમાં સદી ફટકારી. તેણીએ 91 બોલમાં 117 રનની શાનદાર ઈનિંગ રમી, જેમાં ચાર છગ્ગા અને 14 ચોગ્ગા ફટકાર્યા. ભારતે મેચ 102 રનથી જીતી લીધી. સૌથી ઝડપી સદી ફટકારવાની યાદીમાં ત્રીજા સ્થાને હરમનપ્રીત કૌર છે , જેણે 2024માં ઈંગ્લેન્ડ સામે 82 બોલમાં સદી ફટકારી હતી. જેમીમા રોડ્રિગ્સે તે જ વર્ષે દક્ષિણ આફ્રિકા સામે 89 બોલમાં આ સિદ્ધિ મેળવી હતી