નવી દિલ્હી: IPL 2026 પહેલા રાજસ્થાન રોયલ્સ સમાચારમાં છે. કેપ્ટન સંજુ સેમસનના ટીમથી અલગ થવાના અહેવાલો વચ્ચે મુખ્ય કોચ રાહુલ દ્રવિડે પોતાના પદ પરથી રાજીનામું આપી દીધું છે.રાજસ્થાન રોયલ્સે શનિવારે રાહુલ દ્રવિડના મુખ્ય કોચ પદ પરથી રાજીનામાની માહિતી આપી હતી.RR એ તેના નિવેદનમાં જણાવ્યું હતું કે તાજેતરની માળખાકીય સમીક્ષાના ભાગ રૂપે, ફ્રેન્ચાઇઝીએ દ્રવિડને વ્યાપક ભૂમિકા ઓફર કરી હતી, પરંતુ ભૂતપૂર્વ ભારતીય કેપ્ટન અને મુખ્ય કોચે આ પદ ન લેવાનો નિર્ણય લીધો છે.રાહુલ દ્રવિડ, જેમણે તેમના કોચિંગ હેઠળ ભારતીય ક્રિકેટ ટીમને 2024 T20 વર્લ્ડ કપ જીતવા માટે નેતૃત્વ કર્યું હતું, તેમણે IPL 2025 પહેલા RR સાથે મુખ્ય કોચ તરીકે કરાર પર હસ્તાક્ષર કર્યા હતા. અહેવાલો અનુસાર, તેમનો કરાર લાંબા સમય માટે હતો, પરંતુ અચાનક તેમણે તેમના પદ પરથી રાજીનામું આપી દીધું.આરઆરએ કહ્યું, “રાહુલ ઘણા વર્ષોથી રોયલ્સની સફરના કેન્દ્રમાં રહ્યો છે. તેમના નેતૃત્વએ ખેલાડીઓની એક પેઢીને પ્રભાવિત કરી છે, ટીમમાં મજબૂત મૂલ્યો બનાવ્યા છે અને ફ્રેન્ચાઇઝની સંસ્કૃતિ પર અમીટ છાપ છોડી છે. રાજસ્થાન રોયલ્સ, તેના ખેલાડીઓ અને વિશ્વભરના લાખો ચાહકો રાહુલને ફ્રેન્ચાઇઝી પ્રત્યેની તેમની નોંધપાત્ર સેવા બદલ હૃદયપૂર્વક આભાર વ્યક્ત કરે છે.”દ્રવિડે આઈપીએલ 2012 અને 2013માં આરઆરનું નેતૃત્વ કર્યું હતું. તે 2014 અને 2015 સીઝનમાં ટીમના માર્ગદર્શક પણ હતા.