મુંબઈ: ગુરુવારથી કેનિંગ્ટન ઓવલ ખાતે રમાઈ રહેલી પાંચમી ટેસ્ટ મેચમાં ઇંગ્લેન્ડે ટોસ જીતીને બોલિંગ કરવાનો નિર્ણય લીધો. આ નિર્ણાયક મેચમાં ટીમ ઈન્ડિયા ત્રણ ફેરફાર સાથે મેદાનમાં ઉતરી છે.ઈજાગ્રસ્ત વિકેટકીપર-બેટ્સમેન ઋષભ પંતના સ્થાને ધ્રુવ જુરેલને પ્લેઈંગ ઈલેવનમાં સામેલ કરવામાં આવ્યો છે, જ્યારે જસપ્રીત બુમરાહના સ્થાને પ્રસિદ્ધ કૃષ્ણને તક મળી છે. આ મેચમાં શાર્દુલ ઠાકુરની જગ્યાએ કરુણ નાયર રમી રહ્યો છે.ઇંગ્લેન્ડની ટીમે મેચ પહેલા જ પ્લેઈંગ ઈલેવનની જાહેરાત કરી દીધી હતી. બેન સ્ટોક્સ સહિત ચાર ખેલાડીઓ આ નિર્ણાયક ટેસ્ટ મેચમાંથી બહાર છે.ઓલ્ડ ટ્રેફોર્ડ ખાતે રમાઈ રહેલી ચોથી ટેસ્ટમાં સ્ટોક્સને ઈજા થઈ હતી, તે તેનો જમણો ખભા પકડીને જોવા મળ્યો હતો. તેની જગ્યાએ, ઓલી પોપ પાંચમી ટેસ્ટમાં ટીમનું નેતૃત્વ કરી રહ્યા છે.સ્ટોક્સ ઉપરાંત, ફાસ્ટ બોલર જોફ્રા આર્ચર, લિયામ ડોસન અને બ્રાયડન કાર્સ આ મેચમાં રમશે નહીં. જેકબ બેથેલ, જેમી ઓવરટન, ગુસ એટકિન્સન અને જોશ ટોંગને અંતિમ અગિયારમાં સામેલ કરવામાં આવ્યા છે.ભારતીય ટીમે કેનિંગ્ટન ઓવલ મેદાન પર 15 ટેસ્ટ મેચ રમી છે. આમાં ટીમ ઈન્ડિયા ફક્ત બે મેચ જીતી શકી છે, જ્યારે છ મેચમાં તેને હારનો સામનો કરવો પડ્યો છે. સાત મેચ ડ્રો થઈ છે.ઈંગ્લેન્ડે શ્રેણીની પહેલી મેચ પાંચ વિકેટથી જીતી હતી, ત્યારબાદ ટીમ ઈન્ડિયાએ બીજી ટેસ્ટ 336 રનથી જીતીને શ્રેણીની બરાબરી કરી હતી. ભારત પાસે ત્રીજી ટેસ્ટ જીતીને શ્રેણીમાં લીડ મેળવવાની તક હતી, પરંતુ અહીં ટીમ ઈન્ડિયાને 22 રનથી નજીકની હારનો સામનો કરવો પડ્યો હતો. ટીમ ઈન્ડિયા બીજી મેચ ડ્રો કરવામાં સફળ રહી.હાલમાં, ઈંગ્લેન્ડ શ્રેણીમાં 2-1થી આગળ છે. હવે ભારત પાસે છેલ્લી મેચ જીતીને શ્રેણી ડ્રો કરવાની તક છે.