તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કાલથી પાંચમો ટેસ્ટઃ ટીમ ઈન્ડિયા ૪ નવા ખેલાડીઓ સાથે મેદાનમાં ઉતરશે
ઓવલની વિકેટ ત્રીજા, ચોથા દિવસે ટર્ન લે તેવી શક્યતા, ભારત બે સ્પિનરો ટીમમાં સામેલ કરશે! ધ્રુવ જુરેલ, કુલદીપ યાદવ, અર્શદીપ સિંહ, આકાશદીપની ટીમમાં એન્ટ્રી થશેઃ પંત ઈન્જર્ડ છે, બુમરાહ, શાર્દુલ ઠાકુર અને અંશુલ કંબોજને અપાશે આરામઃ બેટીંગમાં રવિન્દ્ર જાડેજાને પાંચમાં, ધ્રુવ જુરેલને છઠ્ઠા અને વોશિંગ્ટન સુંદરને સાતમાં સ્થાને મોકલવામાં આવશે
નવી દિલ્હીઃ ઇંગ્લેન્ડ સામેની પાંચ મેચની ટેસ્ટ શ્રેણીની અંતિમ મેચ લંડનના કેનિગ્ટન ઓવલ ખાતે આવતીકાલથી રમાશે, જ્યાં ભારતનો રેકોર્ડ નબળો રહ્યો છે (રમેલી ૧૫ માંથી માત્ર ૨ જીત). હાલમાં શ્રેણીમાં ૨-૧ થી પાછળ ચાલી રહેલી ટીમ ઇન્ડિયા આ નિર્ણાયક મેચમાં મોટા ફેરફારો કરી શકે છે. ઋષભ પંત ઇજાને કારણે પહેલેથી જ બહાર છે અને તેના સ્થાને ધ્રુવ જુરેલ વિકેટકીપર તરીકે રમશે. જસપ્રીત બુમરાહને વર્કલોડ મેનેજમેન્ટ હેઠળ આરામ અપાશે અને તેના સ્થાને આકાશદીપને તક મળી શકે છે. ખરાબ પ્રદર્શનને કારણે શાર્દુલ ઠાકુર અને અંશુલ કંબોજ પણ બહાર થઈ શકે છે, જ્યારે કુલદીપ યાદવ અને અર્શદીપ સિહ ને પ્લેઈંગ-૧૧માં સ્થાન મળી શકે છે. ભૂતપૂર્વ ક્રિકેટર નવજોત સિહ સિદ્ધુએ પણ કુલદીપ અને વોશિગ્ટન સુંદરને સમાવવાનું સૂચન કર્યું છે, જે દર્શાવે છે કે આ મેચમાં કુલ ૪ નવા ચહેરાઓ જોવા મળી શકે છે.
વિકેટકીપર બેટ્સમેન ઋષભ પંતને ફ્રેક્ચરને કારણે છેલ્લી ટેસ્ટમાંથી બહાર થવું પડ્યું છે. તેના સ્થાને ધ્રુવ જુરેલ પ્લેઇંગ-૧૧માં સ્થાન મેળવશે તે લગભગ નિﾍતિ છે, કારણ કે તેણે પંત ઘાયલ થયા બાદ ચોથી ટેસ્ટમાં અવેજી વિકેટકીપર તરીકે સારો દેખાવ કર્યો હતો.
બીજી તરફ, મુખ્ય કોચ ગૌતમ ગંભીરે અગાઉ જ પુષ્ટિ કરી હતી કે જસપ્રીત બુમરાહ આ શ્રેણીમાં ત્રણ મેચ રમશે, જે તે પહેલેથી જ રમી ચૂક્યો છે. વર્કલોડ મેનેજમેન્ટને કારણે બુમરાહના રમવાની શક્યતા ઓછી છે. જો બુમરાહ આરામ કરશે, તો તેના સ્થાને યુવા ઝડપી બોલર આકાશદીપને તક મળી શકે છે, જે ભારતીય બોલિગ આક્રમણને નવી ગતિ આપશે.
અંશુલ કંબોજે માન્ચેસ્ટરમાં રમાયેલી તેની ડેબ્યૂ મેચમાં અપેક્ષા મુજબનું પ્રદર્શન કર્યું નહોતું, જેના કારણે તેને છેલ્લી ટેસ્ટમાં પડતો મૂકવામાં આવી શકે છે. તેની જગ્યાએ યુવા ઝડપી બોલર અર્શદીપ સિહને ટેસ્ટ ડેબ્યૂ કરવાની તક મળી શકે છે. તેવી જ રીતે, ઓલરાઉન્ડર શાર્દુલ ઠાકુર પણ બોલિગમાં ખાસ અસરકારક રહ્યો નથી, જેના કારણે તેની જગ્યાએ સ્પિનર કુલદીપ યાદવને ટીમમાં સમાવવાની શક્યતા ઊભી થઈ છે. ઇંગ્લેન્ડથી લઈને ભારત સુધીના ઘણા ક્રિકેટ દિગ્ગજોએ કુલદીપને પ્લેઇંગ-૧૧માં સામેલ કરવા માટે સમર્થન આપ્યું છે, પરંતુ તેને અત્યાર સુધી શ્રેણીમાં એક પણ મેચ રમવાની તક મળી નથી.
જોકે, મુખ્ય કોચ ગૌતમ ગંભીર અને કેપ્ટન શુભમન ગિલ છેલ્લી ટેસ્ટના પ્લેઇંગ-૧૧ અંગે શું નિર્ણય લેશે તે ટોસ સમયે જ સ્પષ્ટ થશે.
ભૂતપૂર્વ ભારતીય ક્રિકેટર અને કોમેન્ટેટર નવજોત સિહ સિદ્ધુએ પણ પાંચમી ટેસ્ટ માટે ટીમમાં કેટલાક ફેરફારો સૂચવ્યા છે. તેમણે કહ્યું, ટીમના હિતમાં, મારું માનવું છે કે કુલદીપને અંશુલ કંબોજ અથવા શાર્દુલ ઠાકુરની જગ્યાએ લેવો જોઈએ. આ કોઈની સામે વ્યક્તિગત નથી. અંશુલને અનુભવ મળશે, પરંતુ પ્રાથમિકતા ભારત માટે જીતવાની છે, ફક્ત ખેલાડીઓને સુધારવાની નહીં. શાર્દુલ પણ સારું પ્રદર્શન કરી શક્યો નહીં. ઓવલની વિકેટ મુશ્કેલ રહેશે અને ત્રીજા અને ચોથા દિવસે સ્પિનર મહત્વપૂર્ણ ભૂમિકા ભજવી શકે છે.
સિદ્ધુએ વધુમાં કહ્યું, ભારતે જીતવા અને મેચ કબજે કરવા માટે પ્રયત્ન કરવો પડશે. તે શક્ય છે. જો ધ્રુવ જુરેલને આગામી મેચ માટે છઠ્ઠા નંબરે મોકલવામાં આવે છે, તો જાડેજાને પાંચમા નંબરે મોકલી શકાય છે. આ તમને એક વિકલ્પ આપશે. જાડેજાને બેટ્સમેન તરીકે ધ્યાનમાં લો. વોશિગ્ટન સુંદરને સાતમા નંબરે રમો.
ભારતે ઓગસ્ટ ૧૯૭૧ માં આ મેદાન પર પોતાની પહેલી ટેસ્ટ મેચ ચાર વિકેટથી જીતી હતી. ટીમ ઇન્ડિયાએ ૧૯૭૯, ૧૯૮૨, ૧૯૯૦, ૨૦૦૨ અને ૨૦૦૭ માં અહીં ઇંગ્લેન્ડ સામે સતત પાંચ મેચ ડ્રો રમી હતી.
ભારતની સંભવિત પ્લેઈંગ-૧૧: શુભમન ગિલ (કેપ્ટન), કેએલ રાહુલ, યશસ્વી જયસ્વાલ, સાઈ સુદર્શન, રવિન્દ્ર જાડેજા, આકાશદીપ, ધ્રુવ જુરેલ (વિકેટકીપર), વોશિગ્ટન સુંદર, કુલદીપ યાદવ, મોહમ્મદ સિરાજ, અર્શદીપ સિહ.
(10:09 AM IST)
છેલ્લા 8 દિવસમાં સૌથી લોકપ્રિય 
