એશિયા કપ 2025 સપ્ટેમ્બર મહિનામાં યોજાઈ શકે છે. સૂત્રોના જણાવ્યા અનુસાર આ ટુર્નામેન્ટમાં ભારત અને પાકિસ્તાન બંનેને એક જ ગ્રુપમાં રાખવામાં આવશે. એટલે કે ગ્રુપ સ્ટેજમાં બંને વચ્ચેની મેચ નિશ્ચિત છે. એશિયા કપ ક્રિકેટ 2025 સપ્ટેમ્બર મહિનામાં યોજાઈ શકે છે. સૂત્રોના જણાવ્યા અનુસાર ભારતીય ક્રિકેટ કંટ્રોલ બોર્ડ (BCCI) આ ટુર્નામેન્ટ દુબઈ અને અબુ ધાબીમાં યોજવા માટે સંમત થયું છે. બીસીસીઆઇના ઉપપ્રમુખ રાજીવ શુક્લા અને એશિયન ક્રિકેટ કાઉન્સિલ (ACC) ના અધ્યક્ષ મોહસીન નકવી આગામી થોડા દિવસોમાં ટુર્નામેન્ટની અંતિમ તારીખો નક્કી કરશે.

     માર્કેટિંગ યોજનાઓ બનાવવા માટે વધુ સમયની જરૂર હોવાથી સ્પોન્સર્સ સાથે પણ વાત કરવામાં આવશે. ટુર્નામેન્ટ 7 સપ્ટેમ્બરથી શરૂ થવાની શક્યતા છે અને ત્રીજા કે ચોથા અઠવાડિયામાં સમાપ્ત થશે. બીસીસીઆઇએ ઇસીબી (અમીરાત ક્રિકેટ બોર્ડ) સાથે 3 સ્થળો માટે કરાર પર હસ્તાક્ષર કર્યા છે, પરંતુ એશિયા કપ માટે ફક્ત 2 સ્ટેડિયમનો ઉપયોગ કરવામાં આવશે. બીસીસીઆઇએ પણ ટુર્નામેન્ટ માટે સરકારની મંજૂરીની રાહ જોઈ છે. 

     આ ટુર્નામેન્ટ માટે સંભવિત સ્થળો દુબઈ ઇન્ટરનેશનલ સ્ટેડિયમ અને ઝાયેદ ક્રિકેટ સ્ટેડિયમ (અબુ ધાબી) છે. સૂત્રોના જણાવ્યા અનુસાર આ ટુર્નામેન્ટમાં ભારત અને પાકિસ્તાન બંનેને એક જ ગ્રુપમાં રાખવામાં આવશે. એટલે કે ગ્રુપ સ્ટેજમાં બંને વચ્ચેની મેચ નિશ્ચિત લાગે છે. એશિયન ક્રિકેટ કાઉન્સિલની બેઠક 24 જુલાઈના ઢાકામાં યોજાઈ હતી, જેમાં આ નિર્ણયો લેવામાં આવ્યા હતા. બીસીસીઆઇના ઉપપ્રમુખ રાજીવ શુક્લાએ આ બેઠકમાં વર્ચ્યુઅલ રીતે ભાગ લીધો હતો. 

     બીસીસીઆઇને આઠ ટીમોની આ ટુર્નામેન્ટનું આયોજન કરવાનો અધિકાર છે, પરંતુ ભારત-પાકિસ્તાન સંબંધોમાં કડવાશને કારણે ટુર્નામેન્ટ ન્યૂટ્રલ વેન્યૂ પર યોજાશે. આ પહેલીવાર છે જ્યારે બાંગ્લાદેશ ક્રિકેટ બોર્ડ (BCB) એ ઉચ્ચ સ્તરીય ACC બેઠકનું આયોજન કર્યું છે. બીસીબીના પ્રમુખ અમીનુલ ઇસ્લામે કહ્યું હતું કે બીસીબી ફક્ત એસીસીને ફક્ત લોજિસ્ટિક્સ સપોર્ટ પૂરો પાડી રહ્યું છે. 

    એશિયા કપના આગામી સંસ્કરણમાં આઠ ટીમો ભાગ લેશે. આમાં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન, હોંગકોંગ, ઓમાન અને સંયુક્ત આરબ અમીરાતના નામ શામેલ છે. ટુર્નામેન્ટમાં આઠ ટીમોને ચાર-ચારના બે ગ્રુપમાં વહેંચવામાં આવશે. ત્યારબાદ દરેક ગ્રુપમાંથી ટોચની 2 ટીમો સુપર-4 સ્ટેજ માટે ક્વોલિફાય થશે. ભારત, પાકિસ્તાન, યુએઈ અને હોંગકોંગને ગ્રુપ-એમાં મૂકી શકાય છે. જ્યારે અફઘાનિસ્તાન, શ્રીલંકા, બાંગ્લાદેશ અને ઓમાનને ગ્રુપ-બીમાં સ્થાન મળી શકે છે.