ભારતીય કેપ્ટન શુભમન ગિલ અને ઉપ-કેપ્ટન ઋષભ પંતે ઈંગ્લેન્ડ સામેની પ્રથમ ટેસ્ટમાં શાનદાર સદી ફટકારી છે. આ સદી સાથે, પંત-ગિલની જોડીએ એક એવી સિદ્ધિ હાંસલ કરી છે જે ૧૪૮ વર્ષના ઇતિહાસમાં ક્યારેય બની નથી.
કેપ્ટન ગિલે ૨૨૭ બોલમાં ૧૪૭ રનની ઇનિંગ રમી હતી. આ ઇનિંગ દરમિયાન ગિલે ૧૯ ચોગ્ગા અને એક છગ્ગો ફટકાર્યો હતો. આ ગિલની ટેસ્ટ કારકિર્દીમાં છઠ્ઠી સદી હતી. કેપ્ટન તરીકે આ તેની પહેલી સદી હતી.
ગિલે આ સદી સાથે વિરાટ કોહલીનો રેકોર્ડ તોડ્યો. ગિલ ટેસ્ટમાં કેપ્ટનશીપ ડેબ્યૂમાં સદી ફટકારનાર સૌથી યુવા ભારતીય બેટ્સમેન બન્યો. ગિલે 25 વર્ષ અને 285 દિવસની ઉંમરે આ સિદ્ધિ મેળવી હતી. કોહલીએ 26 વર્ષ અને 34 દિવસની ઉંમરે આ રેકોર્ડ બનાવ્યો હતો

યે, ઉપ-કેપ્ટન પંતે 178 બોલમાં 134 રનની ઇનિંગ રમી. આ ઇનિંગ દરમિયાન, પંતે 12 ચોગ્ગા અને 6 છગ્ગા ફટકાર્યા. આ પંતની ટેસ્ટ કારકિર્દીમાં સાતમી સદી છે. આ સદી સાથે, તેણે એમએસ ધોનીનો રેકોર્ડ તોડ્યો.

આ સદી સાથે, પંત ટેસ્ટ ક્રિકેટમાં ભારતીય વિકેટકીપર તરીકે સૌથી વધુ સદી ફટકારનાર ખેલાડી બની ગયો છે. અગાઉ આ રેકોર્ડ ધોનીના નામે હતો. ધોનીએ ટેસ્ટ ક્રિકેટમાં 6 સદી ફટકારી હતી.

પંત અને ગિલ બંનેએ પોતાની સદીઓ સાથે એક નવો રેકોર્ડ બનાવ્યો. ટેસ્ટ ક્રિકેટમાં આ પહેલી વાર છે જ્યારે કેપ્ટન અને ઉપ-કેપ્ટન બંનેએ તેમના કેપ્ટન અને ઉપ-કેપ્ટન પદના ડેબ્યૂમાં સદી ફટકારી છે.