મુંબઈ :આંતરરાષ્ટ્રીય ક્રિકેટ હવે વધુ રોમાંચક બનવા જઈ રહી છે. 1 જૂનથી સફેદ બોલ અને રેડ બોલના ક્રિકેટમાં ઘણા નિયમો બદલાવા જઈ રહ્યા છે. ODI ક્રિકેટમાં જૂના બોલનો ઉપયોગ કરવામાં આવશે. કોન્કશન સબસ્ટિટ્યુટનો નિયમ બદલાશે. DRS અંગે પણ કેટલીક નવી સિસ્ટમ જોવા મળશે. બાઉન્ડ્રી લાઇન પર લેવામાં આવેલા કેચ સંબંધિત નિયમમાં પણ થોડો ફેરફાર કરવામાં આવી રહ્યો છે.

ક્રિકબઝના અહેવાલ અનુસાર વનડે ક્રિકેટમાં સમગ્ર 50 ઓવર માટે 2 બોલનો ઉપયોગ કરવામાં આવશે નહીં. છેલ્લા ઘણા વર્ષોથી બંને છેડાથી નવા બોલનો ઉપયોગ કરવામાં આવતો હતો. આ રીતે 50 ઓવર સુધી બોલ ફક્ત 25 ઓવર જૂના હતા, જેનાથી રિવર્સ સ્વિંગમાં ઝડપી બોલરોને મદદ મળતી ન હતી. પરંતુ જુલાઈ 2025 થી અમલમાં આવનારા નવા નિયમો અનુસાર 17-17 ઓવર માટે 2 બોલનો ઉપયોગ કરવામાં આવશે, પરંતુ 35મી ઓવરથી ફક્ત 1 બોલનો ઉપયોગ કરવામાં આવશે, જે ફિલ્ડિંગ ટીમ અને તેના કેપ્ટન દ્વારા પસંદ કરવામાં આવશે.

ICC એ સભ્ય દેશોને આ પ્રકારની માહિતી આપી છે. જો મેચ 25 ઓવર કે તેથી ઓછી હોય, તો ઇનિંગ્સમાં ફક્ત એક જ બોલનો ઉપયોગ કરવામાં આવશે. બાઉન્ડ્રી લાઇન અને DRS અંગેની પરિસ્થિતિ ટૂંક સમયમાં સ્પષ્ટ થશે કે તેમાં કયા ફેરફારો કરવાના છે.

કન્કશન સબસ્ટિટ્યુટ નિયમોમાં પણ ફેરફારો કરવામાં આવી રહ્યા છે. અત્યાર સુધી આ નિયમ હેઠળ બોલર ઈજાગ્રસ્ત થાય ત્યારે બેટ્સમેન પણ મેદાનમાં રમવા આવી જતો હતો. જો કે હવે મેચ શરૂ થાય તે પહેલાં ટીમોએ મેચ રેફરીને પાંચ કન્કશન રિપ્લેસમેન્ટ ખેલાડીઓના નામ જણાવવા પડશે. આમાં એક વિકેટકીપર, એક બેટ્સમેન, એક સીમ બોલર, એક સ્પિનર અને એક ઓલરાઉન્ડરનો સમાવેશ થશે. જો મેચ દરમિયાન કોઈ ખેલાડીને માથામાં ઈજા થાય છે, તો તેની જગ્યાએ સમાન ખેલાડીને જ લેવામાં આવશે.

આ નિયમો ટેસ્ટ ક્રિકેટમાં વર્લ્ડ ટેસ્ટ ચેમ્પિયનશિપ 2025 ની ફાઇનલ પછી 17 જૂને રમાનારી શ્રીલંકા અને બાંગ્લાદેશ વચ્ચે ટેસ્ટ શ્રેણીથી અમલમાં આવશે, જ્યારે વનડે આંતરરાષ્ટ્રીય ક્રિકેટમાં શ્રીલંકા અને બાંગ્લાદેશ વચ્ચે 2 જુલાઈથી શરુ થતી વનડે સીરીઝથી નવા નિયમો જુલાઈથી અમલમાં આવશે.