પિચ અસમાન ઉછાળવાની હતી, બોલરોને દોષ દેવો યોગ્ય નથી, બટસમેનોએ જવાબદારીપૂર્વક રમવું પડશે
આજે ગુજરાત અને મુંબઈ વચ્ચે જે ટીમ જીતશે તે પંજાબ સામે ટકરાશે : અમે લડાઈ હારી ગયા છીએ, પણ યુધ્ધ નહીઃ શ્રેયસ ઐયર
નવી દિલ્હીઃ આખી આઈપીએલમાં ધમધોકાર બેટિંગ, બોલિંગ અને ફિલ્ડિંગ કરનારી ટીમ આવું પ્રદર્શન કરશે તેવી કોઈને આશા નહોતી. પંજાબ કિંગ્સે લીગ મેચમાં ટોપ પર રહીને સીઝન પૂર્ણ કરી અને પ્લેઓફમાંથી સીધો ફાઈનલમાં કૂદકો મારવાનો હતો પરંતુ નિરાશાજનક પ્રદર્શનના કારણે ટીમ ટીમ હારી ગઈ અને વિરાટ કોહલીની રોયલ ચેલેન્જર્સ બેંગ્લુરુએ ફાઈનલમાં એન્ટ્રી કરી લીધી છે. ટી૨૦ ક્રિકેટમાં ધાર્યા કરતા ઉલટું થઈ શકે છે તે પંજાબ અને બેંગ્લુરુની મેચમાં જોવા મળ્યું હતું. ઇન્ડિયન પ્રીમિયર લીગ ૨૦૨૫ની ક્વોલિફાયર ૧ મેચમાં રોયલ ચેલેન્જર્સ બેંગ્લોર સામે પંજાબ કિંગ્સનો પરાજય થયો છે. આખી ટીમ ૧૫ ઓવર પણ રમી શકી નહીં અને માત્ર ૧૦૧ રનમાં ઓલઆઉટ થઈ ગઈ હતી. RCBની બોલિંગ પછી, બેટ્સમેનોએ તેમને હરાવ્યા અને ૬૦ બોલમાં લક્ષ્ય હાંસલ કરીને ફાઇનલમાં સ્થાન મેળવ્યું છે. ટીમની ખરાબ સ્થિતિ છતાં, પંજાબના કેપ્ટનનું વલણ મજબૂત છે. તેણે કહ્યું કે અમે લડાઈ હારી ગયા છીએ, પરંતુ યુદ્ધ નહીં.
પંજાબ કિંગ્સનો કેપ્ટન શ્રેયસ ઐયરે માને છે કે હવે પાછળ ફરીને જોવાનો અને તેમના માટે શું ખોટું થયું તેનું વિશ્લેષણ કરવાનો સમય આવી ગયો છે. રોયલ ચેલેન્જર્સ બેંગ્લોર સામે ક્વોલિફાયર ૧ મેચમાં ખરાબ -દર્શન બાદ તેણે આ વાત કરી હતી.
ઐયરે કહ્યું, આ ભૂલી જવાનો દિવસ નથી, પરંતુ આપણે ફરીથી પ્લાન બનાવવો પડશે. આપણે ઘણી વિકેટ ગુમાવી. આપણે પાછળ ફરીને કેટલીક બાબતોને ધ્યાનથી જોવી પડશે. પ્રામાણિકપણે કહું તો હું મારા નિર્ણયો પર શંકા નથી કરી રહ્યો. અમે જે પણ આયોજન કર્યું, મેદાનની બહાર જે પણ કર્યું તે સાચું હતું. અમે તેને મેદાન પર અમલમાં મૂકી શકયા નહીં.ૅ તેણે બોલરોને દોષ આપ્યો નહીં કારણ કે બેટિંગે તેમને અંતે નિરાશ કર્યા.
તેણે એ વાત પર ભાર મૂકયો કે બેટિંગ યુનિટે પરિસ્થિતિનું મૂલ્યાંકન કરવું પડશે અને તે મુજબ રમવું પડશે. તેમને બીજા એલિમિનેટરમાં પરિસ્થિતિને પલટાવવાની તેમની ટીમની ક્ષમતા પર વિશ્વાસ છે. તેણે વધુમાં ઉમેર્યું, બોલરોને દોષ આપી શકાય નહીં કારણ કે બચાવ માટે સ્કોર ઓછો હતો. અમારે ખાસ કરીને આ પીચ પર અમારી બેટિંગ પર કામ કરવું પડશે.
શ્રેયસે આગળ કહ્યું કે, અહીં રમાયેલી બધી મેચોમાં થોડો અસમાન ઉછાળ રહ્યો છે. અમે આવા કારણો આપી શકતા નથી કારણ કે અમે વ્યાવસાયિક છીએ અને અમારે પરિસ્થિતિ અનુસાર બેટિંગ કરવી પડે છે અને અમારે તેનો સામનો કરવો પડે છે, અમે લડાઈ હારી ગયા છીએ પણ યુદ્ધ નહીં.
પંજાબ કિંગ્સ ટીમ ગુજરાત ટાઇટન્સ અને મુંબઈ ઇન્ડિયન્સ વચ્ચેના -થમ એલિમિનેટર પર ધ્યાનથી નજર રાખશે અને તેઓ આ મેચના વિજેતા સામે રમશે. જો પંજાબ આ મેચ જીતવામાં સફળ થાય છે, તો તેમને ફાઇનલમાં બેંગ્લોર સામે સ્કોર સેટલ કરવાની તક મળશે
(11:50 AM IST)
છેલ્લા 8 દિવસમાં સૌથી લોકપ્રિય 
