નવી દિલ્હી : ઇન્ડિયન પ્રીમિયર લીગની વર્તમાન સીઝન એક અઠવાડિયા માટે મુલતવી રાખવામાં આવી છે. ભારત-પાકિસ્તાન તણાવને કારણે આ નિર્ણય લેવામાં આવ્યો છે. 9 મેના બીસીસીઆઇની બેઠકમાં આ નિર્ણય લેવામાં આવ્યો હતો.

ઇન્ડિયન પ્રીમિયર લીગ 2025 તાત્કાલિક અસરથી એક અઠવાડિયા માટે મુલતવી રાખવામાં આવી છે. ભારત-પાકિસ્તાન તણાવને કારણે આ નિર્ણય લેવામાં આવ્યો છે. ભારતીય ક્રિકેટ બોર્ડ (BCCI) એ આ અંગે સત્તાવાર રીતે માહિતી આપી છે. 9 મેના બીસીસીઆઇની બેઠકમાં આ નિર્ણય લેવામાં આવ્યો હતો. બીસીસીઆઇએ કહ્યું કે તેણે ખેલાડીઓની ચિંતાઓ, ચાહકોની લાગણીઓને ધ્યાનમાં રાખીને આ નિર્ણય લીધો છે.

આધિકારિક નિવેદનમાં કહેવામાં આવ્યું છે કે, 'આઇપીએલ ગવર્નિંગ કાઉન્સિલે તમામ મુખ્ય હિસ્સેદારો સાથે યોગ્ય પરામર્શ કર્યા પછી આ નિર્ણય લીધો છે, જેમાં મોટાભાગની ફ્રેન્ચાઇઝીઓએ તેમના ખેલાડીઓની ચિંતાઓ અને લાગણીઓ તેમજ બ્રોડકાસ્ટર્સ, પ્રાયોજકો અને ચાહકોના મંતવ્યો વ્યક્ત કર્યા. બીસીસીઆઇને દેશના સશસ્ત્ર દળોની તાકાત અને તૈયારીમાં સંપૂર્ણ વિશ્વાસ છે. બોર્ડે તમામ હિસ્સેદારોના સામૂહિક હિતમાં આવું કરવાનું યોગ્ય માન્યું.

નિવેદનમાં વધુમાં કહેવામાં આવ્યું છે કે, ‘આ નિર્ણાયક સમયે BCCI રાષ્ટ્રની સાથે મજબૂત રીતે ઉભું છે. અમે ભારત સરકાર, સશસ્ત્ર દળો અને આપણા દેશના લોકો સાથે અમારી એકતા વ્યક્ત કરીએ છીએ. બોર્ડ આપણા સશસ્ત્ર દળોની બહાદુરી, હિંમત અને નિઃસ્વાર્થ સેવાને સલામ કરે છે, જેમના વીર પ્રયાસોએ દેશની સેવા કરી છે.’