દિલ્હી કેપિટલ્સ (DC) એ IPL 2025 માં સતત બીજી જીત નોંધાવી છે. DC એ રવિવારે સનરાઇઝર્સ હૈદરાબાદ (SRH) ને 7 વિકેટે હરાવ્યું હતું ,પોરેલે વિનિંગ સિક્સ ફટકારી હતી. પોરેલ 34 રન અને સ્ટબ્સ 21 રન બનાવીને અણનમ પરત ફર્યા હતા.

  SRH એ વિશાખાપટ્ટનમ મેદાન પર 164 રનનો ટાર્ગેટ મૂક્યો હતો, જેનો DC એ 16 ઓવરમાં ત્રણ વિકેટના નુકસાને સરળતાથી પીછો કરી લીધો હતો. વાઇસ કેપ્ટન ફાફ ડુપ્લેસિસે સીટી વગાડી. તેણે 27 બોલમાં ત્રણ ચોગ્ગા અને ત્રણ છગ્ગાની મદદથી 50 રન બનાવ્યા હતા. ડુપ્લેસિસે પીછો કરવા માટે સારી શરૂઆત આપી હતી. તેણે જેક ફ્રેઝર-મેકગર્ક (32 બોલમાં 38, ચાર ચોગ્ગા, બે છગ્ગા) સાથે પ્રથમ વિકેટ માટે 81 રનની ભાગીદારી કરી હતી. કેએલ રાહુલે 5 બોલમાં 15 રનનું યોગદાન આપ્યું હતું. અભિષેક પોરેલ 18 બોલમાં 34 રન અને ટ્રિસ્ટન સ્ટબ્સ 14 બોલમાં 21 રન બનાવીને અણનમ રહ્યો હતો. પોરેલે બે ચોગ્ગા અને તેટલી છગ્ગા ફટકારી હતી. સ્ટબ્સે ત્રણ ચોગ્ગા ફટકાર્યા હતા. હૈદરાબાદ તરફથી જીશાન અંસારીએ ત્રણેય વિકેટ લીધી હતી.

     આ પહેલા હૈદરાબાદની ટીમ ટોસ જીતીને 18.3 ઓવરમાં 163 રનમાં ઓલઆઉટ થઈ ગઈ હતી. ડીસી ફાસ્ટ બોલર મિચેલ સ્ટાર્કે હલચલ મચાવી દીધી હતી. તેણે IPLમાં પહેલીવાર પોતાનો પંજો ખોલ્યો હતો. તેણે 3.4 ઓવરમાં 35 રન આપીને પાંચ વિકેટ ઝડપી હતી. સ્પિનર કુલદીપ યાદવે ત્રણ જ્યારે મોહિત શર્માએ એક વિકેટ ઝડપી હતી. હૈદરાબાદ તરફથી અનિકેત વર્માએ સૌથી વધુ રન બનાવ્યા હતા. તેણે 41 બોલમાં પાંચ ચોગ્ગા અને 6 છગ્ગાની મદદથી 74 રનની ઇનિંગ રમી હતી. અનિકેતની આ પ્રથમ આઈપીએલ ફિફ્ટી છે. હૈદરાબાદની શરૂઆત સારી રહી ન હતી. ઓપનર અભિષેક શર્મા (1) પ્રથમ ઓવરમાં જ રનઆઉટ થયો હતો.

   સ્ટાર્કે ત્રીજી ઓવરમાં ઈશાન કિશન (2) અને નીતિશ કુમાર રેડ્ડી (0)ને પેવેલિયનનો રસ્તો બતાવ્યો હતો. સ્ટાર્કે પાંચમી ઓવરમાં ટ્રેવિસ હેડના રૂપમાં એક મોટી માછલીને ફસાવી હતી. તેના બેટથી 12 બોલમાં 22 રન હતા, જેમાં ચોગ્ગા સામેલ હતા. SRHની 37 રનમાં ચાર વિકેટ પડી જતાં અનિકેતે શાનદાર રીતે ચાર્જ સંભાળ્યો હતો. તેણે હેનરિક ક્લાસેન (19 બોલમાં 32, બે ચોગ્ગા, બે છગ્ગા) સાથે પાંચમી વિકેટ માટે 77 રનની ભાગીદારી કરી હતી. મોહિતે 11મી ઓવરમાં ક્લાસેનનો શિકાર કર્યો હતો. વિયાન મુલ્ડર (9), હર્ષલ પટેલ (5), અનિભાનવ મનોહર (4) અને પેટ કમિન્સ (2) બે આંકડા સુધી પહોંચી શક્યા ન હતા. મોહમ્મદ શમી એક રન બનાવીને અણનમ રહ્યો હતો.