તા. ૩૦ ઓગષ્ટ ર૦ર૪ વિક્રમ સંવત ર૦૮૦ શ્રાવણ વદ-૧૨, શુક્રવાર
ભારત ૨૦૩૬ ઓલમ્પીક ગેમ્સ માટે બીડ કરે તેવી શકયતા
૧૯૫૧માં એશીયન ગેમ્સ અને ૨૦૧૦માં કોમનવેલ્થ ગેમ્સ ભારતમાં યોજાઈ ચૂકી છે
બેંગલુરુ, તા.૧૭: વિશ્વમાં સૌથી વધુ વસતી ધરાવતા ભારતે પહેલા કયારે ઓલિમ્પીકનું આયોજન કર્યુ નથી, જોકે નવી દિલ્હીએ ૧૯૫૧માં એશિયન ગેમ્સ અને ૨૦૧૦માં કોમવેલ્થ ગેમ્સનું આયોજન જરૂર કરવામાં આવ્યુ હતું.
ગુજરાત અને તેમાંયે ખાસ કરીને અમદાવાદમાં કેન્દ્ર સરકાર ૨૦૩૬ની ઓલિમ્પીક ગેમ્સનું આયોજન કરવા વિચારી રહ્યુ છે ત્યારે આ બાબતે અનેક શહેરો દ્વારા આ બીડ કરવાની શકયતા નકારી શકાતી નથી.
ફીફા કાઉન્સિલ સભ્યના મોયા ડો, જેઓએ અગાઉ ઇન્ટરનેશનલ ઓલિમ્પીક કમિટી (આઇઓસીધ એથલેટ એન્ટરેજ કમિશન)માં સેવા આપી હતી તેમણે જણાવ્યુ હતુ કે સવલતોનો વિકાસ ઓલિમ્પીકની યજમાની માટે જરૂરી છે જેનો દેશને લાંબા ગાળા સુધી ફાયદો મળતો રહેશે. તેમણે એક પ્રસંગે જણાવ્યુ હતુ કે રાજકારણને એક બાજુ રાખીએ તો સ્પોર્ટ્સ ઇન્ફ્રાસ્ટ્રક્ચરમાં ટર્બો-ચાર્ડ રોકાણ માટેની એક સુંદર તક છે.
જોકે આ પ્રકારના રોકાણો યોગ્ય સ્થળે યોગ્ય રીતે કરવામાં આવે તેની ખાતરી રાખવી જોઇએ અને આ બાબતે ઉમદા દ્રષ્ટિકોણ રાખવો તે મોટી તક છે જેમાં ફક્ત યજમાની કરવી તે જ નહી પરંતુ સાથે સામુદાયિક સુધારો પણ થવો જોઇએ.
ઇન્ડોનેશિયા, તુર્કી અને ચિલીએ ૨૦૩૬ની યજમાનીના અધિકારો માટે સ્પર્ધા કરવાના તેમના ઇરાદાની પુષ્ટિ કરી છે, જ્યારે ઇજિપ્ત અને દક્ષિણ કોરિયા સહિત અન્ય કેટલાક દેશો પણ રેસમાં જોડાય તેવી અપેક્ષા છે.
ભૂતપૂર્વ ઓસ્ટ્રેલિયન સોકર ખેલાડી ડોડે કહ્યું કે ગેમ્સની યજમાનીનો વારસો હોવો જોઈએ. લાદવામાં આવેલ મોડેલ તે દેશ માટે સંપૂર્ણ રીતે ઉત્કળષ્ટ નથી, પરંતુ એક જે સર્વગ્રાહી અને ઉત્થાનનું છે અને તે પછીથી માત્ર વારસો છોડતું નથી પરંતુ વાસ્તવમાં લાભ પહોંચાડતા હોવા જોઇએ તે સુનિશ્ચિત કરવું મહત્વપૂર્ણ છે એમ તેમણે ઉમેર્યુ હતું. ભારતે ૧૯૨૮-૧૯૮૦ની વચ્ચે હોકીમાં આઠ, એથ્લેટિક્સ અને શૂટિંગમાં એક-એક સાથે ૧૦ ગોલ્ડ મેડલ જીત્યા છે. ટોકયો ૨૦૨૧ અને પેરિસ ૨૦૨૪માં ટીમને બ્રોન્ઝ મેડલ જીતવામાં મદદ કરનાર ભારતના ભૂતપૂર્વ હોકી કેપ્ટન પીઆર શ્રીજેશએ કહ્યું કે એથ્લેટ્સની આગામી પેઢીને ઉછેરવા માટે રોકાણની જરૂર છે.
(4:42 PM IST)
છેલ્લા 8 દિવસમાં સૌથી લોકપ્રિય 
