મુંબઈઃ વર્ષ ૨૦૨૫ માં યોજાનાર  એશિયા કપમૉ ભારતીય ક્રિકેટ ટીમ માટે એક મોટો ફેરફાર લાવી રહ્યો છે. વિરાટ કોહલી અને રોહિત શર્મા જેવા સ્‍ટાર્સ આ વખતે ટીમનો ભાગ રહેશે નહીં. આ બંને ખેલાડીઓ તેમજ રવિન્‍દ્ર જાડેજાએ ક્રિકેટના સૌથી ટૂંકા ફોર્મેટ (ટી- ૨૦) ને અલવિદા કહી દીધું છે, જેના કારણે ટીમ ઈન્‍ડિયાને નવી દિશામાં આગળ વધવાના પડકારનો સામનો કરવો પડશે. આ વખતે ટુર્નામેન્‍ટને તટસ્‍થ સ્‍થળે યોજવાની તૈયારીઓ કરવામાં આવી રહી છે. આ નિર્ણય એટલા માટે લેવામાં આવી રહ્યો છે કે ભારતીય ટીમમાં ફેરફાર છતાં, ટુર્નામેન્‍ટનું યોગ્‍ય અને ન્‍યાયી આયોજન થઈ શકે.

કોહલી અને રોહિત વિના રમતથી બધાના દિલ જીતી લેનાર સૂર્યકુમાર યાદવ હવે કેપ્‍ટન તરીકે ટીમનું નેતૃત્‍વ કરશે. હાર્દિક પંડ્‍યા, જે ઓલરાઉન્‍ડર તરીકે પોતાની ભૂમિકા ભજવી રહ્યો છે, તેની પાસેથી પણ સારા પ્રદર્શનની અપેક્ષા રાખવામાં આવશે.

આ એશિયા કપમાં  ટીમ ઈન્‍ડિયાના યુવા ખેલાડીઓ જેમ કે યશસ્‍વી જયસ્‍વાલ અને શુભમન ગિલ પર ઘણું નિર્ભર રહેશે. બંને ખેલાડીઓએ તાજેતરમાંશાનદાર પ્રદર્શન કર્યું છે અને હવે તેઓ એશિયા કપમાં તેમની ટીમ માટે મોટી ભૂમિકા ભજવી શકે છે. તેની ઉત્તમ બેટિંગ ટીમને મજબૂત બનાવવાની અપેક્ષા છે.

એશિયા કપમાં ભારત અને પાકિસ્‍તાન વચ્‍ચેની મેચ હંમેશા આકર્ષણનું કેન્‍દ્ર રહે છે. આ વખતે પણ બંને ટીમો ત્રણ વખત ટકરાઈ શકે છે. પહેલા, બંને ટીમો ગ્રુપ સ્‍ટેજમાં એકબીજા સામે રમી શકે છે, પછી સુપર ફોરમાં પણ તેમની વચ્‍ચે મેચ થઈ શકે છે. જો બધું બરાબર રહ્યું તો એશિયા કપની ફાઇનલ પણ ભારત અને પાકિસ્‍તાન વચ્‍ચે થઈ શકે છે, જે ક્રિકેટ પ્રેમીઓ માટે એક રોમાંચક મેચ હશે