વર્લ્ડ ક્રિકેટના બાદશાહ એટલે કે વિરાટ કોહલીએ IPL 2025 પહેલા પોતાના નિવેદનથી આખી દુનિયાને ચોંકાવી દીધી છે. વિરાટે ટેસ્ટ ક્રિકેટ અને T20 ક્રિકેટમાંથી નિવૃત્તિ પર યુ-ટર્નનો સંકેત આપ્યો છે. વિરાટ કોહલીએ પોતાના લેટેસ્ટ નિવેદનથી આખી દુનિયાને ચોંકાવી દીધી છે.

   ન્યૂઝ એજન્સી પીટીઆઈ અનુસાર, વિરાટ કોહલીએ કહ્યું, "નિવૃત્તિ પછી હું શું કરવા માંગુ છું તે વિશે મેં ખરેખર વિચાર્યું નથી. મેં તાજેતરમાં જ મારા એક સાથી ખેલાડીને આ જ પ્રશ્ન પૂછ્યો હતો અને સામેથી મને જે જવાબ મળ્યો તે જ મેં કહ્યું છે. હા, નિવૃત્તિ પછી હું કદાચ ઘણો પ્રવાસ કરવાનું પસંદ કરીશ."

  ટેસ્ટ ક્રિકેટને લઈને વિરાટ કોહલીએ કહ્યું કે કદાચ હવે હું ઓસ્ટ્રેલિયાનો પ્રવાસ નહીં કરી શકું. તેણે કહ્યું કે, "હું કદાચ મારી કારકિર્દીમાં આગામી ઓસ્ટ્રેલિયન પ્રવાસ કરી શકીશ નહીં, તેથી અત્યાર સુધી જે થયું છે તેનાથી હું સંતુષ્ટ છું."

  ભારતના છેલ્લા ઓસ્ટ્રેલિયા પ્રવાસ દરમિયાન વિરાટ કોહલીનું બેટ અપેક્ષા મુજબનું પ્રદર્શન કરી શક્યું ન હતું. જોકે તેણે પર્થમાં રમાયેલી પ્રથમ ટેસ્ટમાં સદી ફટકારી હતી. બોર્ડર-ગાવસ્કર ટ્રોફીની પાંચ ટેસ્ટ મેચોમાં વિરાટે માત્ર 190 રન બનાવ્યા હતા. હવે વિરાટ ફરીથી ઓસ્ટ્રેલિયામાં ટેસ્ટ ક્રિકેટ રમતા જોવા નહીં મળે.

  2028ના લોસ એન્જલસ ઓલિમ્પિકમાં ક્રિકેટની વાપસી થવા જઈ રહી છે. તે ટૂર્નામેન્ટ T20 ફોર્મેટમાં રમાશે. વિરાટની નિવૃત્તિ બાદ એવું કહેવામાં આવી રહ્યું હતું કે તે ઓલિમ્પિકમાં રમી શકશે નહીં. પરંતુ હવે તેણે ટી20માંથી નિવૃત્તિ પર યુ-ટર્ન લેવાનો સંકેત આપ્યો છે. તેણે કહ્યું, "જો ભારત 2028 લોસ એન્જલસ ઓલિમ્પિકની ફાઇનલમાં પહોંચે છે, તો હું તે મેચ માટે નિવૃત્તિમાંથી બહાર આવવા વિશે જ વિચારી શકું છું. ઓલિમ્પિક મેડલ જીતવો ખૂબ જ યાદગાર ક્ષણ હશે."