નવી દિલ્હી:   લખનૌ સુપર જાયન્ટ્સ (LSG) ના ઝડપી બોલર મયંક યાદવ IPL 2025 ના પહેલા ભાગમાં રમી શકશે નહીં. મયંક કમરની ઇજામાંથી સ્વસ્થ થઈ રહ્યો છે.  તેણે તાજેતરમાં બેંગલુરુમાં BCCI સેન્ટર ઓફ એક્સેલન્સ ખાતે બોલિંગ ફરી શરૂ કરી છે, જ્યાં ગયા ઓક્ટોબરમાં બાંગ્લાદેશ સામે આંતરરાષ્ટ્રીય ક્રિકેટમાં પદાર્પણ કર્યા બાદ તે ઈજાગ્રસ્ત થયો હતો.બીસીસીઆઈએ મયંકની વાપસી માટે કોઈ ચોક્કસ તારીખ નક્કી કરી નથી, પરંતુ જો તે ફિટનેસના તમામ ધોરણો પૂર્ણ કરે અને બોલિંગ પરનો ભાર વધારશે, તો તે આઈપીએલના બીજા ભાગમાં રમી શકે છે.ટુર્નામેન્ટના પહેલા ભાગમાં મયંકનું ગેરહાજરી LSG માટે મોટો ફટકો છે, કારણ કે મેગા ઓક્શન પહેલા ફ્રેન્ચાઇઝીએ તેને 11 કરોડ રૂપિયામાં રિટેન કર્યો હતો.  મયંકના પગારમાં આ મોટો ઉછાળો હતો કારણ કે તેને 2024 સીઝન પહેલા અનકેપ્ડ ફાસ્ટ બોલર તરીકે માત્ર 20 લાખ રૂપિયામાં ખરીદવામાં આવ્યો હતો.