તા. ૧૦ એપ્રિલ ર૦ર૫ વિક્રમ સંવત ર૦૮૧ ચૈત્ર સુદ – ૧૩ ગુરૂવાર
હું રેકોર્ડસ વિશે વિચારતો નથી,ટીમની જીત મહત્વની, મેચમાં પરિસ્થિતિ મુજબ સ્ટ્રાઇક પર ધ્યાન આપવાનું હતું
રનની એવરેજ પ્રતિ ઓવર છ રનની હોય તો પણ હું ચિંતા કરતો નથી વિરાટ કોહલી
નવી દિલ્હીઃ આઈસીસી ચેમ્પિયન ટ્રોફીની સેમિફાઈનલમાં ભારતની ભવ્ય જીત થઈ છે. ટીમ ઈન્ડિયાએ ઓસ્ટ્રેલિયાને ૪ વિકેટે હરાવી ફાઈનલમાં એન્ટ્રી મેળવી લીધી છે.મેચમાં ઓસ્ટ્રેલિયાને હરાવવા પાછળ કોહલીનો મોટો ફાળો રહેલો છે. તેણે ૯૮ બોલમાં ચાર ફોર સાથે ૮૪ રન બનાવ્યા છે, જેને નિﾍતિરૂપે તેના કેરિયરની શ્રેષ્ઠ બેટિંગમાંથી એક કહી શકાય છે. કોહલીની પ્લેયર ઓફ ધ મેચ તરીકે પસંદગી થઈ છે. ભારતીય ટીમ ફાઈનલમાં પહોંચ્યા બાદ કોહલીએ પોતાની બેટિંગને લઈને દિલ ખોલીને વાત કહી છે.
કોહલીએ કહ્યું કે, ‘આજનો દિવસ બરાબર પાકિસ્તાન સામેના દિવસ જેવો હતો. આજની મેચની મહત્ત્વની બાબત પરિસ્થિતિઓને સમજવાની તેમજ સ્ટ્રાઈક પર ધ્યાન આપવાનું હતું. કારણ કે આવી પીચો પર પાર્ટનરશીપ ખૂબ જ મહત્ત્વની હોય છે. તે સંપૂર્ણપણે પરિસ્થિતિ પર નિર્ભર છે અને તે મુજબ હું મારી ઈનિંગ્સ રમ્યો છું. મારી ટાઈમિંગ, શાંત મૂડ, સ્થિરતા સંપૂર્ણપણે પરિસ્થિતિ પર આધારિત છે. મેં આજે કોઈપણ સમયે ઉતાવળ કરી નથી.' તેણે કહ્યું કે, ‘બેટિંગ દરમિયાન મેં જે સિંગલ રન કર્યા, તે મારા માટે ખુશી આપનારા છે. આજની મેચમાં દબાણ પર ધ્યાન આપવાનો મામલો હતો. જો મેચનો ટાર્ગેટ અંતિમ ઓવરો સુધી લઈ જવામાં આવે તો પ્રતિસ્પર્ધી નબળા પડી જાય છે. સ્વાભાવિક રીતે આવી મોટી મેચમાં આવી ઈનિંગ્સ દરમિયાન મૂડને નિયંત્રણમાં રાખવું મહત્ત્વનું છે. જો જરૂરી રન એવરેજ પ્રતિ ઓવર છ રનની હોય તો પણ હું ચિંતા કરતો નથી.'
જયારે કોહલીને પૂછવામાં આવ્યું કે, શું આ તેણે રમેલી સર્વશ્રેષ્ઠ ઈનિંગ્સ છે? તો કોહલીએ કહ્યું કે, શ્નહું ક્યારે મૂલ્યાંકન કરતો નથી, એ બધું મને નથી ખબર, એ તમારું કામ છે. મેં ક્યારેય આવી બાબતો પર ધ્યાન આપ્યું નથી. જયારે તમે રેકોર્ડ્સ વિશે વિચારતા નથી, ત્યારે તે બની જાય છે. જો હું સદી ફટકારીશ તો તે શાનદાર છે, પરંતુ જીતવું વધુ મહત્વનું છે. આવી બાબતોથી મને બહુ ફરક પડતો નથી.
(3:31 PM IST)
છેલ્લા 8 દિવસમાં સૌથી લોકપ્રિય 
