નવી દિલ્‍હીઃ ઓસ્‍ટ્રેલિયા સામેની પાંચ મેચની ટેસ્‍ટ સીરિઝમાં કારમી હાર થયા બાદ ભારતીય ટીમની ટીકા થઇ રહી છે. આ સાથે કોચ ગૌતમ ગંભીરને પણ ઘણી ટીકાઓનો સામનો કરવો પડી રહ્યો છે. હકીકતમાં સિડની ટેસ્‍ટમાં રોહિત શર્માએ મેચમાંથી બહાર બેસીને બધાને આﾍર્યચકિત કરી દીધા હતા. કોચની દખલગીરીને કારણે રોહિતને આ નિર્ણય લેવો પડ્‍યો હોવાના અહેવાલો બહાર આવ્‍યા હતા. ઓસ્‍ટ્રેલિયા પ્રવાસ દરમિયાન કોચ ગૌતમ ગંભીર પ્રેક્‍ટિસ સેશન દરમિયાન મેદાન પર ગુસ્‍સે થઈ ગયો હતો. તેણે મેદાનની વચ્‍ચે બોલિંગ કોચ મોર્ને મોર્કેલને ઠપકો આપ્‍યો હતો.

એક અહેવાલ અનુસાર સૂત્રોએ જણાવ્‍યું હતું કે, પ્રેક્‍ટિસ સેશન દરમિયાન બનેલી આ ઘટના વિશે બીસીસીઆઇના ઉચ્‍ચ અધિકારીઓને જાણ કરવામાં આવી છે. પ્રવાસ પહેલા પર્સનલ મીટીંગના કારણે મોર્ને મોર્કેલ પ્રેક્‍ટિસ સેશન માટે થોડો મોડો પહોંચ્‍યો હતો. આ જોઈને ગૌતમ ગંભીર ગુસ્‍સે થઈ ગયો હતો અને તેણે મેદાનની વચ્‍ચે જ મોર્કેલને ઠપકો આપ્‍યો હતો.

બીસીસીઆઇના સૂત્રએ જણાવ્‍યું હતું કે, ગૌતમ ગંભીર શિસ્‍તને લઈને ખૂબ જ કડક છે. તેણે તરત જ મેદાનમાં મોર્કેલને ઠપકો આપ્‍યો હતો. સપોર્ટ સ્‍ટાફના પ્રદર્શન પર નજર રાખી રહ્યું છે અને સિનિયર ખેલાડીઓ પાસેથી તેમના યોગદાન વિશે ફિડબેક માંગી રહ્યું છે. વિરાટ કોહલી વારંવાર ઓફ-સ્‍ટમ્‍પની બહાર આઉટ થઈ રહ્યા બાદ ભૂતપૂર્વ ક્રિકેટર સુનીલ ગાવસ્‍કરે પણ બેટિંગ કોચની ભૂમિકા પર સવાલ ઉઠાવ્‍યા હતા.

આ સિવાય સૂત્રએ જણાવ્‍યું હતું કે, બેટિંગ કોચ અભિષેક નાયર સામે પણ અનેક સવાલ ઉભા થઇ રહ્યા છે. ગંભીર પોતે એક મહાન બેટર રહ્યો છે. બોર્ડે ખેલાડીઓને પૂછયું છે કે શું નાયર  ટીમ માટે કંઈક નવું કરી રહ્યો છે. તેવી જ રીતે, સહાયક કોચ રિયાન ટેની ભૂમિકાની પણ ચર્ચા થઈ રહી છે