સેન્ચુરિયનઃ ભારતના સ્ટાર બેટ્સમેન સંજુ સેમસને સાઉથ આફ્રિકા સામેની ચાર મેચની T20 સિરીઝની શરૂઆત રેકોર્ડબ્રેક સદી સાથે કરી હતી. પરંતુ આ પછી સેમસન સતત બે T20 મેચમાં પોતાનું ખાતું પણ ખોલી શક્યો ન હતો. અગાઉ, તે સતત બે આંતરરાષ્ટ્રીય T20માં સદી ફટકારનાર પ્રથમ ભારતીય બેટ્સમેન બન્યો હતો. સતત બે સદીની ઇનિંગ્સ પછી સતત બે વખત પોતાનું ખાતું ખોલવામાં સફળ ન થયા પછી, સંજુ સેમસનને આંતરરાષ્ટ્રીય T20 નો અનિચ્છનીય અને શરમજનક વર્લ્ડ રેકોર્ડ મળ્યો.

    સેન્ચુરિયનમાં બુધવારે રમાઈ રહેલી ટી20 મેચમાં ટોસ હાર્યા બાદ ભારતીય ટીમ પ્રથમ બેટિંગ કરવા આવી હતી. આવી સ્થિતિમાં માર્કો યાનસેને ઇનિંગ્સના બીજા બોલ પર સેમસનને બોલ્ડ કર્યો હતો. આ સાથે સેમસન આંતરરાષ્ટ્રીય T20માં એક કેલેન્ડર વર્ષમાં પાંચ વખત શૂન્ય પર આઉટ થનારો વિશ્વનો પ્રથમ બેટ્સમેન બની ગયો છે. સેમસન વર્ષ 2024માં બેંગલુરુમાં અફઘાનિસ્તાન સામે રમાયેલી T20માં ખાતું ખોલાવી શક્યો ન હતો.

  આ પછી તે શ્રીલંકા સામે પલ્લેકેલેમાં રમાયેલી ટી-20 મેચમાં સતત બે વખત ખાતું ખોલાવી શક્યો ન હતો. અને ફરી એકવાર સેમસન સતત બે ઇનિંગ્સમાં ખાતું ખોલાવી શક્યો ન હતો. સેમસન સતત બે સદીની ઇનિંગ્સ રમવા છતાં સતત બે વખત શૂન્ય પર આઉટ થનારો પ્રથમ ખેલાડી બન્યો.

   વર્ષ 2024માં, સેમસને ટીમ ઈન્ડિયા માટે 12 ઈન્ટરનેશનલ ટી20 મેચ રમી છે, જેમાં તે 11 ઈનિંગ્સમાં એકવાર અણનમ રહ્યો હતો અને તેણે 32.70ની એવરેજ અને 175.80ની સ્ટ્રાઈક રેટથી 327 રન બનાવ્યા હતા. જેમાં બે સદી અને એક અડધી સદીનો સમાવેશ થાય છે. આ સમયગાળા દરમિયાન સેમસન પાંચ મેચમાં પોતાનું ખાતું ખોલાવી શક્યો ન હતો. સેમસન તેની T20I કારકિર્દીમાં 6 વખત ખાતું ખોલવામાં નિષ્ફળ રહ્યો હતો. જેમાંથી તે વર્ષ 2024માં ખાતું ખોલાવ્યા વિના પાંચ વખત પેવેલિયન પરત ફર્યો છે.