મુંબઈ :IPL 2025 પહેલા યોજાનારી મેગા હરાજી પહેલા, તમામ ફ્રેન્ચાઇઝીએ તેમના રિટેન કરાયેલા ખેલાડીઓની યાદી જાહેર કરી છે. કોલકાતા નાઈટ રાઈડર્સ અને રાજસ્થાન રોયલ્સે 6-6 ખેલાડીઓને જાળવી રાખ્યા છે. જ્યારે ચેન્નાઈ સુપર કિંગ્સ, ગુજરાત ટાઇટન્સ, લખનૌ સુપર જાયન્ટ્સ, મુંબઈ ઈન્ડિયન્સ અને સનરાઈઝર્સ હૈદરાબાદે 5-5 ખેલાડીઓ પર દાવ લગાવ્યો છે 

     દિવાળીના દિવસે ચેન્નાઈ સુપર કિંગ્સે ફેન્સને મોટી ભેટ આપી છે. કરોડોના હાર્ટથ્રોબ અને ચેન્નાઈ સુપર કિંગ્સના કેપ્ટન મહેન્દ્ર સિંહ ધોની IPL 2025માં રમતા જોવા મળશે. મહેન્દ્ર સિંહ ધોનીનું નામ પણ CSK દ્વારા રિટેન કરાયેલા 5 ખેલાડીઓમાં સામેલ છે. ચેન્નાઈ સુપર કિંગ્સે ધોનીને 4 કરોડ રૂપિયામાં રિટેન કર્યો છે. માહીને અનકેપ્ડ ખેલાડી તરીકે જાળવી રાખવામાં આવ્યો છે

     તાજેતરમાં IPLના નિયમોમાં ફેરફાર કરવામાં આવ્યો છે. આવી સ્થિતિમાં 5 વર્ષથી આંતરરાષ્ટ્રીય ક્રિકેટ ન રમનાર ખેલાડીને અનકેપ્ડ ખેલાડી ગણવામાં આવશે. આ નિયમ હેઠળ CSK દ્વારા ધોનીને જાળવી રાખવામાં આવ્યો છે.

   ધોની ઉપરાંત CSKએ કેપ્ટન રૂતુરાજ ગાયકવાડ પર 18 કરોડ અને રવિન્દ્ર જાડેજા પર 18 કરોડ રૂપિયા ખર્ચ્યા છે. આ સિવાય ફ્રેન્ચાઇઝીએ મતિશા પથિરાનાને 13 કરોડ રૂપિયામાં અને શિવમ દુબેને 12 કરોડ રૂપિયામાં રિટેન કર્યા છે. CSKએ 4 ભારતીય ખેલાડીઓ પર વિશ્વાસ વ્યક્ત કર્યો છે. મેગા ઓક્શનમાં CSK પાસે માત્ર એક જ રાઈટ ટુ મેચ કાર્ડ હશે

  CSK ના ખેલાડીઓ જાળવી રાખ્યા છે ઋતુરાજ ગાયકવાડ - 18 કરોડ રવિન્દ્ર જાડેજા - 18 કરોડ મથિશા પાથિરાના - 13 કરોડ શિવમ દુબે - 12 કરોડ એમએસ ધોની - 4 કરોડ

    મહેન્દ્ર સિંહ ધોની IPLમાં સૌથી વધુ રન બનાવનાર બેટ્સમેનમાં છઠ્ઠા સ્થાને છે. તેણે 2008થી રમાયેલી 264 મેચોની 229 ઇનિંગ્સમાં 39.12ની એવરેજ અને 137.53ની સ્ટ્રાઇક રેટથી 5243 રન બનાવ્યા છે. આ દરમિયાન તેણે 24 અડધી સદી ફટકારી છે. લીગમાં તેનો સર્વોચ્ચ સ્કોર અણનમ 84 રન છે. ગત સિઝનમાં ધોનીએ 161 રન બનાવ્યા હતા.

    IPLમાં ધોનીનું પ્રદર્શન IPL 2024 - 161 રન IPL 2023 - 104 રન IPL 2022 - 232 રન IPL 2021 - 114 રન IPL 2020 - 200 રન IPL 2019 - 416 રન IPL 2018 - 455 રન IPL 2017 - 290 રન IPL 2016 - 284 રન IPL 2015 - 372 રન IPL 2014 - 371 રન IPL 2013 - 461 રન IPL 2012 - 358 રન IPL 2011 - 392 રન IPL 2010 - 287 રન IPL 2009 - 332 રન IPL 2008 - 414 રન .