બેંગલુરૂ : ઋષભ પંત ભારત અને ન્યૂઝીલેન્ડ વચ્ચે રમાઈ રહેલી પ્રથમ ટેસ્ટમાં વિકેટકીપિંગ દરમિયાન ઈજાગ્રસ્ત થયો હતો. આ દરમિયાન ધ્રુવ જુરેલને મેદાનમાં આવવું પડ્યું હતું. પંતના જમણા ઘૂંટણમાં ઈજા થઈ હતી અને સોજો હતો. BCCI ની મેડિકલ ટીમ પંતની ઈજા પર નજર રાખી રહી હતી. પ્રથમ દાવમાં 20 રન બનાવ્યા બાદ પંત ઇજાગ્રસ્ત હોવા છતાં મેદાન પર આવ્યો હતો. આ દરમિયાન તેણે તોફાની બેટિંગ પણ કરી હતી.

ઋષભ પંત હવે ટેસ્ટમાં 99 રન પર આઉટ થનાર બીજો ભારતીય વિકેટકીપર બેટ્સમેન બની ગયો છે. આ અનિચ્છનીય ક્લબમાં જોડાનાર તે ચોથો વિકેટકીપર છે. આ પહેલા 2012માં ઈંગ્લેન્ડ સામે નાગપુર ટેસ્ટમાં મહેન્દ્ર સિંહ ધોનીએ પણ 99 ના સ્કોર પર પોતાની વિકેટ ગુમાવી હતી. આ યાદીમાં ન્યૂઝીલેન્ડના વિકેટકીપર બેટ્સમેન બ્રેન્ડન મેક્કુલમ અને ઈંગ્લેન્ડના જોની બેરિસ્ટોનો પણ સમાવેશ થાય છે.