નવી દિલ્‍હીઃ ન્યૂઝીલેન્ડે બેંગલુરુમાં રમાયેલી પ્રથમ ટેસ્ટ મેચમાં વરસાદના વિક્ષેપમાં ભારતને 8 વિકેટે હરાવ્યું હતું. આ સાથે ન્યૂઝીલેન્ડે ત્રણ મેચની શ્રેણીમાં 1-0ની સરસાઈ મેળવી લીધી છે. પ્રથમ દિવસ વરસાદના કારણે ધોવાઈ ગયા બાદ ન્યૂઝીલેન્ડે આ મેચમાં જોરદાર પ્રદર્શન કર્યું હતું. રવિવારે મેચના પાંચમા અને છેલ્લા દિવસે કિવી ટીમને જીતવા માટે 107 રનની જરૂર હતી, જે તેણે આઠ વિકેટ ગુમાવીને હાંસલ કરી લીધી હતી.

ન્યૂઝીલેન્ડે પ્રથમ દાવમાં ભારતને 46 રનમાં ઓલઆઉટ કરી દીધું હતું. આ પછી, રચિન રવિન્દ્રના 134 રન અને ડેવોન કોનવેના 91 રનની મદદથી ન્યૂઝીલેન્ડે તેની પ્રથમ ઇનિંગમાં 402 રન બનાવ્યા હતા. સરફરાઝ ખાન (150)ની પ્રથમ ટેસ્ટ સદી અને ઋષભ પંતના 99 રનની મદદથી ભારતે બીજા દાવમાં 462 રન બનાવીને ન્યૂઝીલેન્ડને ૧૦૭ રનનો આસાન ટાર્ગેટ આપ્યો હતો.