મુંબઈ : T20 વર્લ્ડ કપ 2024ની 51મી મેચમાં ભારતનો સામનો ઓસ્ટ્રેલિયા સામે થશે. સેમિફાઇનલના દૃષ્ટિકોણથી આ મેચ ખૂબ જ મહત્વપૂર્ણ છે. રોહિત શર્માની આગેવાની હેઠળની ટીમ શાનદાર ફોર્મમાં છે અને તેણે સતત પાંચ જીત નોંધાવી છે. બીજી તરફ ઓસ્ટ્રેલિયાને છેલ્લી મેચમાં અફઘાનિસ્તાન સામે શરમજનક હારનો સામનો કરવો પડ્યો હતો. ભારત અને ઓસ્ટ્રેલિયા વચ્ચેની બ્લોકબસ્ટર મેચ પર દુનિયાભરના ચાહકોની નજર છે

  . દરમિયાન સેન્ટ લુસિયાના ડેરેન સેમી નેશનલ ક્રિકેટ સ્ટેડિયમમાં યોજાનારી મેચ પહેલા ચાહકો હવામાન પર પણ નજર રાખી રહ્યા છે. ભારત અને ઓસ્ટ્રેલિયાની મેચ ગ્રોસ આઇલેટના ડેરેન સેમી નેશનલ ક્રિકેટ સ્ટેડિયમ ખાતે IST રાત્રે 8 વાગ્યે શરૂ થશે. એક તરફ ટીમ ઈન્ડિયાએ સેમીફાઈનલમાં એક પગ જમાવી લીધો છે, તો બીજી તરફ ઓસ્ટ્રેલિયા ટી-20 વર્લ્ડ કપ 2024માંથી બહાર થઈ જવાનો ભય સતાવી રહ્યો છે. સેમીફાઈનલની રેસમાં રહેવા માટે તેણે કોઈપણ ભોગે આ મેચ જીતવી પડશે. તે જ સમયે, અફઘાનિસ્તાનના ચાહકો આ મેચમાં ભારતનું સમર્થન કરતા જોવા મળશે.

  T20 વર્લ્ડ કપમાં ભારત-ઓસ્ટ્રેલિયાની મેચ પહેલા ચાહકો માટે કોઈ સારા સમાચાર નથી. સોમવાર, જૂન 24 ના રોજ ગ્રોસ આઇલેટમાં ભારે વરસાદની અપેક્ષા છે

 . હવામાન અહેવાલ મુજબ, આજે ગ્રોસ આઇલેટમાં વરસાદની સાથે વાવાઝોડાની પણ સંભાવના છે. સ્થાનિક હવામાન અહેવાલ અનુસાર, સવારે 10 વાગ્યે વરસાદની લગભગ 51 ટકા સંભાવના છે. જો વરસાદ પડે અને મેચ રદ્દ કરવી પડે તો ઓસ્ટ્રેલિયન ટીમને મોટો ફટકો પડી શકે છે