રાજસ્થાનના ૧૫ વર્ષીય વૈભવ સૂર્યવંશીએ આઈપીએલ ઇતિહાસમાં સૌથી ઝડપી ૧૦૦૦ રન બનાવી સચિન-સુદર્શનને પછાડ્યા
ગુજરાત ટાઇટન્સ સામે ક્વોલિફાયર-૨ માં વિસ્ફોટક બેટિંગ કરી માત્ર ૨૩મી ઇનિંગ્સમાં આ મેજિકલ આંકડો પાર કરનાર સૌથી ઝડપી ભારતીય બેટ્સમેન બન્યો
અમદાવાદ, ૩૦: આઈપીએલ-૨૦૨૬ની ગુજરાત ટાઇટન્સ સામે રમાયેલી હાઈવોલ્ટેજ ક્વોલિફાયર-૨ મેચમાં રાજસ્થાન રોયલ્સના યુવા ઓપનર વૈભવ સૂર્યવંશીએ અદ્ભુત બેટિંગ કરીને નવો ઇતિહાસ રચી દીધો છે. વૈભવે આ મેચ દરમિયાન પોતાની આઈપીએલ કરિયરની માત્ર ૨૩મી ઇનિંગ્સમાં ૧,૦૦૦ રન પૂરા કરીને લીગના ઇતિહાસમાં સૌથી ઝડપી ૧,૦૦૦ રન બનાવનાર ભારતીય બેટ્સમેન બનવાનું બહુમાન મેળવ્યું છે. ગુજરાત સામેની રોમાંચક મેચમાં ૨૧૫ રનના સ્કોર તરફ આગળ વધતા વૈભવે માત્ર સૌથી ઓછી ઇનિંગ્સમાં જ નહીં, પરંતુ સૌથી ઓછા બોલ રમીને પણ આ સીમાચિﾎ સુધી પહોંચવાનો રેકોર્ડ પોતાના નામે કર્યો છે.
મેચની શરૂઆત પહેલા વૈભવ સૂર્યવંશીએ પોતાની આઈપીએલ કારકિર્દીમાં ૨૨ ઇનિંગ્સમાં ૯૩૨ રન બનાવ્યા હતા. તેને ૧,૦૦૦ રનની ક્લબમાં સામેલ થવા માટે ૬૮ રનની જરૂર હતી, જે તેણે ગુજરાત ટાઇટન્સના મજબૂત બોલિંગ આક્રમણ સામે શાનદાર શૉટ્સ ફટકારીને પૂરી કરી હતી. આ સિદ્ધિ સાથે તેણે અગાઉ 2Content5 ઇનિંગ્સમાં ૧,૦૦૦ રન પૂરા કરનારા ગુજરાતના જ સાઇ સુદર્શનના રેકોર્ડને તોડી તેને પાછળ છોડી દીધો છે. જોકે, સમગ્ર આઈપીએલ ઇતિહાસમાં સૌથી ઝડપી ૧,૦૦૦ રનનો વર્લ્ડ રેકોર્ડ ૨૧ ઇનિંગ્સ સાથે ઓસ્ટ્રેલિયાના શૉન માર્શના નામે છે, પરંતુ ભારતીય ખેલાડીઓમાં હવે વૈભવ ટોચ પર આવી ગયો છે.
વૈભવે આ મેચમાં માત્ર ૧,૦૦૦ રનની દોડ પૂરી નથી કરી, પરંતુ આઈપીએલના ૧૯ વર્ષના ઇતિહાસમાં એક જ સિઝનમાં સૌથી વધુ રેકોર્ડ તોડનાર અનકેપ્ડ પ્લેયર પણ બની ગયો છે. ચાલુ સિઝનમાં એક અનકેપ્ડ (જે આંતરરાષ્ટ્રીય મેચ ન રમ્યો હોય તેવો) ખેલાડી તરીકે સૌથી વધુ રન બનાવવાનો રેકોર્ડ તો તેના નામે હતો જ, પરંતુ હવે તે આઈપીએલની એક જ સિઝનમાં ૭૦૦ કે તેથી વધુ રન બનાવનાર ઇતિહાસનો સર્વપ્રથમ અનકેપ્ડ ભારતીય બેટ્સમેન બન્યો છે.
ક્રિકેટના સત્તાવાર આંકડાઓ અને વિશ્લેષકોના જણાવ્યા અનુસાર, વૈભવ સૂર્યવંશી એક જ સિઝનમાં ૭૦૦ પ્લસ રન બનાવનાર ભારતનો માત્ર પાંચમો બેટ્સમેન બન્યો છે. અગાઉ વિરાટ કોહલીએ આ પરાક્રમ બે વાર કર્યું છે, જ્યારે શુભમન ગિલ, સૂર્યકુમાર યાદવ અને સાઇ સુદર્શને એક-એક વાર આ જાદુઈ આંકડો સ્પર્શ કર્યો છે. રાજસ્થાન રોયલ્સના મેનેજમેન્ટે વૈભવના આ પ્રદર્શનને બિરદાવતા જણાવ્યું હતું કે, ૅ૧૫ વર્ષની નાની ઉંમરે આવી પરિપક્વતા અને આક્રમકતા સાથે રમવું એ ભારતીય ક્રિકેટના ઉજ્જવળ ભવિષ્યના સંકેત છે.ૅ
આ ઐતિહાસિક મેચમાં રાજસ્થાનની પ્લેઈંગ ઇલેવનમાં યશસ્વી જયસ્વાલ, ધ્રુવ જુરેલ, કેપ્ટન રિયાન પરાગ, ડોનોવન ફરેરા, દાસુન શનાકા, રવીન્દ્ર જાડેજા, જોફ્રા આર્ચર, નંદ્રે બર્ગર, બ્રિજેશ શર્મા અને યશ રાજ પુંજા સામેલ હતા. જ્યારે સામી બાજુએ ગુજરાત ટાઇટન્સની ટીમમાં કેપ્ટન શુભમન ગિલ, સાઇ સુદર્શન, જોસ બટલર, નિશાંત સિંધુ, વોશિંગ્ટન સુંદર, જેસન હોલ્ડર, રાશિદ ખાન, સાઇ કિશોર, કાગીસો રબાડા, પ્રસિદ્ધ કળષ્ણા અને મોહમ્મદ સિરાજ મેદાનમાં ઉતર્યા હતા. આ મેચમાં ભલે રાજસ્થાનની સફર આગળ ન વધી શકી હોય, પણ વૈભવના આ રેકોર્ડે ક્રિકેટ જગતમાં સનસનાટી મચાવી દીધી છે.
(4:53 PM IST)
છેલ્લા 8 દિવસમાં સૌથી લોકપ્રિય 
