નવી દિલ્‍હીઃ ટી-૨૦ ક્રિકેટમાં ફરી એકવાર વિસ્‍ફોટક બેટિંગનો નવો અધ્‍યાય લખાયો છે. પ્રિટોરિયસે પોતાની શાનદાર અને આક્રમક બેટિંગથી ૧૮૮ રનની ઐતિહાસિક ઈનિંગ રમીને ક્રિકેટ જગતમાં ધૂમ મચાવી દીધી છે. તેની ઈનિંગ દરમિયાન તેણે ૧૩ છગ્‍ગા અને ૧૫ ચોગ્‍ગા ફટકારી બોલરોની જોરદાર ધોલાઈ કરી હતી.

પ્રિટોરિયસે શરૂઆતથી જ આક્રમક વલણ અપનાવી બોલરો પર દબાણ ઊભું કર્યું હતું. મેદાનના ચારે તરફ શોટ્‍સ ફટકારતા તેણે રનનો વરસાદ વરસાવ્‍યો હતો. તેની ૧૮૮ રનની ઈનિંગ દરમિયાન બાઉન્‍ડરીની સંખ્‍યાએ જ દર્શાવી દીધું કે તે દિવસે તેની બેટિંગ કેટલી તોફાની રહી હતી.

આ ઐતિહાસિક ઈનિંગ સાથે પ્રિટોરિયસે ટી-૨૦ ક્રિકેટના ઈતિહાસમાં ક્રિસ ગેલના ૧૩ વર્ષ જૂના વ્‍યક્‍તિગત સર્વોચ્‍ચ સ્‍કોરના રેકોર્ડને પાછળ છોડી દીધો છે. ગેલ પોતાની તોફાની બેટિંગ માટે વિશ્વભરમાં જાણીતા છે અને લાંબા સમયથી ટી-૨૦ ક્રિકેટમાં આ રેકોર્ડ તેમના નામે હતો.

પ્રિટોરિયસની આ ઈનિંગ માત્ર આંકડાઓની દૃષ્ટિએ જ નહીં, પરંતુ જે રીતે તેણે છગ્‍ગા અને ચોગ્‍ગાનો વરસાદ કર્યો તે દૃશ્‍ય પણ યાદગાર બની ગયું હતું. તેની બેટિંગ સામે બોલરો પાસે રક્ષણાત્‍મક વ્‍યૂહરચના અપનાવવા સિવાય ખાસ વિકલ્‍પ રહ્યો નહોતો.

૧૮૮ રન, ૧૩ છગ્‍ગા અને ૧૫ ચોગ્‍ગા સાથે પ્રિટોરિયસે ટી-૨૦ ક્રિકેટના રેકોર્ડ બુકમાં પોતાનું નામ સુવર્ણ અક્ષરે નોંધાવી દીધું છે.