ઈશ્વરિયા: ગોહિલવાડની સુપ્રસિદ્ધ અને અગ્રણી કેળવણી સંસ્થા સણોસરા સ્થિત લોકભારતી ગ્રામવિદ્યાપીઠ ખાતે આગામી શુક્રવાર, તારીખ ૨ ઓક્ટોબર 'ગાંધી જયંતી'ના પવિત્ર પર્વે લોકભારતી વિશ્વવિદ્યાલય (લોકભારતી યુનિવર્સિટી ફોર રુરલ ઈનોવેશન) ના દ્વિતીય દીક્ષાંત સમારોહનું ભવ્ય આયોજન કરવામાં આવ્યું છે. આ ગૌરવપૂર્ણ પ્રસંગે પ્રખ્યાત રામકથાકાર પૂ. મોરારિબાપુ ઉપસ્થિત રહીને વિદ્યાર્થીઓને પોતાના આશીર્વચન પાઠવશે.

ગાંધી જયંતી પર્વે આયોજિત આ દીક્ષાંત સમારોહમાં દેશના મુરધન્ય સાહિત્યકાર રઘુવીર ચૌધરી મુખ્ય વક્તા તરીકે ઉપસ્થિત રહીને દીક્ષાંત ઉદ્બોધન આપશે.

લોકભારતી વિશ્વવિદ્યાલયના આ દ્વિતીય દીક્ષાંત સમારોહને સફળ બનાવવા માટે સંસ્થાના નિયામક, કુલસચિવ, વ્યવસ્થાપક મંડળના સભ્યો, તમામ કાર્યકર્તાઓ તેમજ વિદ્યાર્થીઓ ઉત્સાહભેર તૈયારીઓમાં જોડાઈ ગયા છે. (અહેવાલ - મુકેશ પંડિત)