<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 20th November 2026

મોટીપાનેલી અને કાથરોટાના બે મુસાફરના મોત

ભાયાવદરથી ઉપડેલી રામરાજ ટ્રાવેલ્‍સની લકઝરી બસને ભરૂચ પાસે ટેન્‍કર સાથે નડેલો અકસ્‍માત : અકસ્‍માતની ઘટનામાં બાળકો સહિત ૩૦ થી વધુને ઇજા થતા સારવારમાં ખસેડાયા

(કિશોર રાઠોડ દ્વારા) ધોરાજી તા. ર૦ :.. રાજકોટ જીલ્લાના ભાયાવદરથી ઉપડેલી નિમેષ અમૃતલાલ માકડીયાની માલિકીની રામરાજ ટ્રાવેલ્‍સની બસ અને ટેન્‍કર વચ્‍ચે ભરૂચ પાસે અકસ્‍માત સર્જાતા કાથરોટા ગામના રમેશભાઇ અને મોટી પાનેલીના નવીનભાઇનું મોત થયાનું દિપ્‍સી ચુડાસમાં (સંતકૃપા ટ્રાવેલ્‍સ) એ જણાવ્‍યું છે.

પ્રાપ્ત માહિતી મુજબ ગુજરાતના ભરૂચમાં દિલ્‍હી-મુંબઈ એક્‍સપ્રેસ હાઈવે પર લક્‍ઝરી બસ અને ટેન્‍કર વચ્‍ચે ભયાનક અકસ્‍માત સર્જાયો છે. આ દુર્ઘટનામાં બે મુસાફરોના મોત થયા છે, જ્‍યારે બાળકો સહિત ૩૦થી વધુ લોકો ઈજાગ્રસ્‍ત થયા છે. આ બસ ભાયાવદરથી સુરત તરફ જઈ રહી હતી. બસમાં મુસાફરો લગ્ન પ્રસંગમાં હાજરી આપવા માટે નીકળ્‍યા હતા. રસ્‍તામાં દેરોલ નજીક બસ અને ટેન્‍કર વચ્‍ચે જોરદાર ટક્કર થઈ હતી. અકસ્‍માત એટલો ગંભીર હતો કે બસમાં સવાર અનેક મુસાફરોને ઈજાઓ પહોંચી હતી. ઘટનાની જાણ થતાં જ ઈજાગ્રસ્‍તોને સારવાર માટે સિવિલ હોસ્‍પિટલમાં ખસેડવામાં આવ્‍યા હતા.

મળતી વિગતો પ્રમાણે લક્‍ઝરી બસમાં સવાર મુસાફરો સુરત ખાતે લગ્ન પ્રસંગમાં હાજરી આપવા જઈ રહ્યા હતા. મુસાફરો ખુશીથી લગ્નમાં જવા નીકળ્‍યા હતા, પરંતુ રસ્‍તામાં થયેલા અકસ્‍માતે પરિવારજનોની ખુશીને માતમમાં ફેરવી દીધી હતી. બસમાં બાળકો સહિત મોટી સંખ્‍યામાં મુસાફરો સવાર હતા. અકસ્‍માત બાદ બસમાં સવાર લોકોની મદદ માટે તાત્‍કાલિક કાર્યવાહી કરવામાં આવી હતી.

આ ગમખ્‍વાર અકસ્‍માતમાં બે મુસાફરોનાં મોત થયાં છે. જ્‍યારે ૩૦થી વધુ મુસાફરોને ઈજાઓ પહોંચી છે. ઈજાગ્રસ્‍તોમાં બાળકોનો પણ સમાવેશ થાય છે. અકસ્‍માતની ગંભીરતાને જોતા અનેક મુસાફરોને તાત્‍કાલિક સારવારની જરૂર પડી હતી. આ ઘટનાથી મુસાફરોના પરિવારજનોમાં ચિંતાનો માહોલ જોવા મળ્‍યો છે.અકસ્‍માાતની જાણ થતાં જ ઈજાગ્રસ્‍તોને બચાવવા માટે તાત્‍કાલિક મદદ પહોંચાડવામાં આવી હતી. ઘાયલ મુસાફરોને સારવાર માટે સિવિલ હોસ્‍પિટલ ખાતે ખસેડવામાં આવ્‍યા છે. હોસ્‍પિટલમાં ઈજાગ્રસ્‍તોની સારવાર શરૂ કરવામાં આવી છે.દિલ્‍હી-મુંબઇ એકસપ્રેસ હાઇવે પર થયેલા આ અકસ્‍માતને પગલે વાહન ચાલકોમાં પણ ચિંતા જોવા મળી રહી છે. લકઝરી બસ અને ટેન્‍કર વચ્‍ચે ટક્કર કયાં કારણોસર થઇ તે અંગે હજુ સ્‍પષ્‍ટ માહિતી સામે આવી નથી. અકસ્‍માતની ચોકકસ સ્‍થિતિ અને અન્‍ય વિગતો તપાસ બાદ જ જાણી શકાશે. લગ્ન પ્રસંગમાં જઇ રહેલા મુસાફરો સાથે બનેલી આ દુર્ઘટનાએ અનેક પરિવારોને શોકમાં મૂકી દીધા છે.

(11:06 AM IST)