જામનગર : આયુર્વેદ શિક્ષણ અને સંશોધન સંસ્થાન જામનગર ખાતે કાયચિકિત્સા વિભાગ દ્વારા ભૂલવાની સમસ્યા અને યાદશક્તિમાં ઘટાડા જેવા માઈલ્ડ ન્યૂરોકોગ્નીટિવ ડિસઓર્ડર માટે તા. 16 અને 17 જૂલાઈના રોજ સવારે 9 થી 12:30 તથા સાંજે 4 ટી 5:30 દરમિયાન ઓ. પી. ડી. નંબર 10 અને 11 ખાતે ખાસ 55 થી 80 વર્ષના દરડીઓ માટે નિ:શુલ્ક કેમ્પનું આયોજન કરવામાં આવ્યું છે. જેમાં વારંવાર વસ્તુઓ ભૂલી જવી, એક જ પ્રશ્ન વારંવાર પૂછવો, નામ અથવા વસ્તુઓ યાદ ન આવવી, ધ્યાન કેન્દ્રિત કરવામાં તકલીફ થવી, ગૂંચવણ અનુભવવી, વાતચીતમાં યોગ્ય શબ્દો યાદ ન આવવા જેવા લક્ષણો હોય છે.

હાલ ભારતમાં સિનિયર સિટીઝન લોકોમાં 20% વૃદ્ધોમાં માઈલ્ડ ન્યૂરોકોગ્નીટિવ ડિસઓર્ડર જોવા મળે છે. એક અંદાજે 2.4 કરોડથી વધું ભારતીય વૃદ્ધો આ સમસ્યાથી પીડાય છે. જો સમસ્યા વકરે તો ડિમેન્શિયા અથવા અલ્ઝાઇમર જેવા ગંભીર રોગનું જોખમ વધે છે. આ માટે આઈ ટી આર એ  આયોજિત ઓ.પી.ડીમાં જરૂરી નિદાન, સારવાર અને દવાઓનો લાભ લેવાં સંસ્થાના ડાયરેક્ટર પ્રો. ડૉ. તનુજા નેસરી દ્વારા યાદીમાં જણાવાયું છે.