(મુકુંદ બદિયાણી દ્વારા)જામનગર તા.૩૧: ‘છોટી કાશી'નું ઉપનામ ધરાવતા જામનગર શહેરને ‘ગિનીઝ બુક ઓફ વર્લ્‍ડ રેકોર્ડઝ'માં બબ્‍બેવાર સ્‍થાન અપાવીને મેળવીને શહેરને ધર્મક્ષેત્રે વૈﾍકિ ઓળખ અપાવનારા શ્રી બાલા હનુમાન મંદિર પર ચાલી રહેલી અખંડ રામધુનને આજે ૬૨ વર્ષ પૂર્ણ થઇ રહ્યા છે.

શહેરના તળાવની પાળ પર સંત સદ્દગુરૂદેવ શ્રી પ્રેમભિક્ષુજી મહારાજે ‘શ્રીરામ જય રામ જય જય રામ'નો અખંડ મંત્ર જાપ તા.૦૧ ઓગષ્ટ-૧૯૬૪ના શુભ દિનથી કરાવ્‍યો હતો, જે નાદ આજે ૬૨ વર્ષથી અવિરત રીતે બોલાઇ રહ્યો છે. અને આવતીકાલ તા.૧ ઓગષ્ટ-૨૦૨૬ના રોજ આ અખંડ રામ નામ જાપ ૬૩માં વર્ષમાં મંગલ પ્રવેશ કરશે.

આ અવસરે આવતીકાલ તા.૦૧ના રોજ શ્રી બાલા હનુમાન મંદિર પર વિવિધ મનોરથ દર્શનનો લાભ ભાવિકોને મળશે, સાથે જ સંઘ્‍યા મહાઆરતી પણ કરવામાં આવશે.

આ અખંડ રામધૂન પર પરમાત્‍માના એવા આશિર્વાદ રહ્યા છે કે, ટાઢ-તડકો-વરસાદ કે વાવાઝોડું-ભૂકંપ-અતિવળષ્ટિ-અનાવળષ્ટિ કે કોરોના જેવી મહામારીના કપરા કાળમાં પણ આ ધર્મસ્‍થાન પર અખંડ રામધુન સતત યથાવત રીતે ચાલી રહી છે, જે શ્રદ્ધાળુઓ માટે વરદારૂપ બની રહી છે.

મંદિર ટ્રસ્‍ટના પ્રમુખ શ્રી જીતુભાઇ લાલ આ અંગે જણાવ્‍યું છે કે, ‘છોટી કાશી'ના ધર્મસ્‍થાનની અખંડ રામધુન શહેરીજનોના સહયોગ અને પ્રભુની કળપા વગર અવિરત રહી શકી ના હોત. જામનગરવાસીઓ અને મંદિરના સેવકો આ માટે જે સહયોગ શ્રદ્ધાભેર આપી રહ્યા છે તે અભિનંદનીય છે. રામધુનના વાર્ષિકોત્‍સવ પ્રસંગે દર્શનનો લાભ લેવા તેઓએ અનુરોધ કર્યો છે.

જામનગરના આ બાલા હનુમાન મંદિર પર હવે માત્ર જામનગરવાસીઓ કે હાલાર-સૌરાષ્‍ટ્ર કે ગુજરાતના દર્શનાર્થીઓની જ નહીં પરંતુ દેશ-દેશાવરના દર્શનાર્થીઓની સંખ્‍યા સતત વધી રહી છે, જે આ ધર્મસ્‍થાનનું મહાત્‍મ્‍ય દર્શાવે છે.