જામનગરમાં સસ્તા અનાજનાં જથ્થાની શંકાસ્પદ હેરફેર ઝડપાઈ છે. સિટી બી ડિવિઝન પોલીસે પાણાખાણથી બેડી બંદર રોડ પર સફળ કાર્યવાહી કરી છે .  માલવાહક વાહનમાંથી 3,000 કિલો ઘઉંનો શંકાસ્પદ જથ્થો મળી આવ્યો હતો  ઘઉંનો જથ્થો સરકારી સસ્તા અનાજનો હોવાની આશંકા છે . પોલીસે સ્થળ પરથી બેડી વિસ્તારના રહેવાસી એવા પાંચ શખ્સોની અટકાયત કરી છે . પોલીસ દ્વારા BNSS કલમ 35(1)(e) હેઠળ કાયદેસરની કાર્યવાહી કરવામાં આવી. ઘઉં અને વાહન મળીને કુલ રૂ. 6,15,520નો મુદ્દામાલ સીઝ કરાયો છે . બનાવ અંગે જામનગર જિલ્લા પુરવઠા વિભાગને જાણ કરવામાં આવી ચેહ . સસ્તા અનાજનો જથ્થો ક્યાંથી આવ્યો અને કોને પહોંચાડવાનો હતો તે અંગે તપાસ શરૂ કરાઈ છે. પુરવઠા વિભાગ અને પોલીસ દ્વારા સમગ્ર કૌભાંડનું મૂળ શોધવા આગળની કાર્યવાહી હાથ ધરાઈ છે.