ભાવનગર: પાલિતાણા સ્થિત શ્રી કાશી વિશ્વનાથ સતુઆબાબા સંસ્થા દ્વારા ૧૮૩મા નેત્રયજ્ઞનું સફળ આયોજન કરવામાં આવ્યું હતું. સંસ્થાના પ્રમુખ ગિરીશભાઈ ગોધાણીના નેતૃત્વ હેઠળ અને સુદર્શન નેત્રાલયના સહયોગથી સતુઆબાબા આશ્રમ ખાતે યોજાયેલા આ નેત્રયજ્ઞનો પંથકના અનેક આંખના દર્દીઓએ લાભ લીધો હતો.

 દર્દીઓનું નિદાન અને શસ્ત્રક્રિયાની વ્યવસ્થા:

આ નેત્રયજ્ઞ દરમિયાન કુલ ૨૩૭ નવા દર્દીઓની આંખોની સઘન તપાસ કરવામાં આવી હતી. જેમાંથી મોતીયો અને વેલની બીમારી ધરાવતા ૧૧૩ દર્દીઓને મફત શસ્ત્રક્રિયા માટે પસંદ કરવામાં આવ્યા છે. આ ઉપરાંત, અગાઉ સેવા મેળવી ચૂકેલા ૧૨૪ જૂના દર્દીઓનું પણ પુનઃ પરીક્ષણ અને નિદાન કરવામાં આવ્યું હતું. દર મહિનાના છેલ્લા રવિવારે યોજાતા આ નેત્રયજ્ઞમાં ખરાબ વરસાદી વાતાવરણ હોવા છતાં સ્થાનિક પંથકમાંથી મોટી સંખ્યામાં દર્દીઓ સારવાર અર્થે ઉમટી પડ્યા હતા.

 અગ્રણીઓની ઉપસ્થિતિ અને વ્યવસ્થાપન:

આ માનવસેવા કાર્યક્રમ પ્રસંગે સમાજના અગ્રણીઓ ઘનશ્યામભાઈ શિહોરા, નાગજીભાઈ વાઘાણી, નાનુભાઈ ડાખરા, જેરામભાઈ સાંકડાસરિયા અને વિજયભાઈ ગોટી ખાસ ઉપસ્થિત રહ્યા હતા.

શ્રી સતુઆબાબા વિદ્યાસંકુલ ખાતે સંસ્થાના વડા ચંદકાંતભાઈ વંકાણીના માર્ગદર્શન હેઠળ કાર્યકર્તાઓ દ્વારા કેમ્પમાં આવેલા દર્દીઓ માટે બેઠક વ્યવસ્થા, નિદાન તેમજ ભોજનની સુચારુ વ્યવસ્થા પૂરી પાડવામાં આવી હતી. આ સભર સેવા કાર્યને સફળ બનાવવામાં ભોળાભાઈ જીવાણી, સંજયભાઈ કાંત્રોડિયા, સંજયભાઈ હરમાણી, સુભાષભાઈ પટેલ અને પ્રવીણભાઈ ગોયાણી સહિતના કાર્યકર્તાઓએ જિહાદી જહમત ઉઠાવી હતી. (અહેવાલ - મુકેશ પંડિત)