તા. ૨૭ ઓગષ્ટ ર૦ર૬ વિક્રમ સંવત ર૦૮૨ શ્રાવણ સુદ – ૧૪ ગુરૂવાર
સૌરાષ્ટ્ર - કચ્છ સ્ટોક એક્ષચેંજ સદર બજાર બિલ્ડીંગનું બાય બેંક કરવા લેવાયો નિર્ણય
સૌરાષ્ટ્ર કચ્છ એન્ટરપ્રાઇઝ લિમિટેડની ૩૭મી એજીએમ યોજાઇઃ તમામ પાંચ ઠરાવો બહુમતીથી મંજુર : મિલન મિઠાણી , અશોક કોયાણી ડિરેકટર તરીકે પૂનઃ નિમણૂકઃ હસમુખ બલદેવના અધ્યક્ષપદે યોજાઇ
રાજકોટ તા.૨૮: સૌરાષ્ટ્ર કચ્છ એન્ટરપ્રાઇઝ લિમિટેડની ૩૭મી વાર્ષિક સામાન્ય સભા (Annual General Meeting) તા. ૨૬ સપ્ટેમ્બર ૨૦૨૬ ના રોજ સવારે ૧૧ કલાકે યોજાઈ હતી. સભાની અધ્યક્ષતા ચેરમેન શ્રી હસમુખભાઈ બલદેવ દ્વારા કરવામાં આવી હતી.
વાર્ષિક સામાન્ય સભામાં કંપનીના શેરધારકો સમક્ષ કુલ પાંચ મુખ્ય એજન્ડા/ઠરાવો રજૂ કરવામાં આવ્યા હતા. તમામ ઠરાવોને શેરધારકો તરફથી નોંધપાત્ર બહુમતી સાથે મંજૂરી મળી હતી.
સભામાં મંજૂર થયેલા ઠરાવોની વિગતો નીચે મુજબ છે
૧. નાણાકીય હિસાબોની મંજૂરી કંપનીના નાણાકીય વર્ષના નાણાકીય હિસાબોને ૯૭.૩૩% મત સાથે મંજૂરી આપવામાં આવી.
૨. શ્રી મિલન મિથાણીની ડિરેકટર તરીકે પુનઃનિમણૂક
શ્રી મિલન મિથાણીની ડિરેકટર તરીકે પુનઃનિમણૂક અંગેનો ઠરાવ ૮૩.૦૮% મત સાથે મંજૂર કરવામાં આવ્યો.
૩. શ્રી અશોક કોયાણીની ડિરેક્ટર તરીકે પુનઃનિમણૂક
શ્રી અશોક કોયાણીની ડિરેક્ટર તરીકે પુનઃનિમણૂક અંગેનો ઠરાવ ૮૮.૨૪% મત સાથે પસાર કરવામાં આવ્યો.
૪. સ્ટેટ્યુટરી ઓડિટર્સની પુનઃનિમણૂકઃ કંપનીના સ્ટેટ્યુટરી ઓડિટર્સની પુનઃનિમણૂક અંગેનો ઠરાવ ૯૨.૮૬% મત સાથે મંજૂર કરવામાં આવ્યો.
૫. ઓફિસ પ્રિમાઇસિસના બાય-બેક અંગેનો મહત્વપૂર્ણ ઠરાવ
સૌરાષ્ટ્ર કચ્છ સ્ટોક એક્સચેન્જ બિલ્ડિંગ ખાતે આવેલ પોપટભાઈ સોરઠિયા ભવનના ઓફિસ પ્રિમાઇસિસના બાય-બેક અંગેનો મહત્વપૂર્ણ ઠરાવ ૯૮.૬૭% મત સાથે મંજૂર કરવામાં આવ્યો.
ઓફિસધારકો માટે મહત્વપૂર્ણ નિર્ણયઃ ઓફિસ પ્રિમાઇસિસના બાય-બેકનો નિર્ણય કંપની માટે એક મહત્વપૂર્ણ માઇલસ્ટોન માનવામાં આવે છે. અગાઉ જે ઓફિસ પ્રિમાઇસિસ ડિપોઝિટના ધોરણે ફાળવવામાં આવ્યા હતા, તે ઓફિસધારકો હવે નિર્ધારિત પ્રક્રિયા મુજબ પોતાની ઓફિસ કંપનીને સરેન્ડર કરી શકશે અને તેના બદલામાં પ્રિમિયમ સહિતની રકમ મેળવવાની વ્યવસ્થા ઉપલબ્ધ બનશે.
આ નિર્ણયથી લાંબા સમયથી ઓફિસ પ્રિમાઇસિસ ધરાવતા હિતધારકોને તેમની મિલકત સંબંધિત હિતને નાણાકીય સ્વરૂપે પ્રાપ્ત કરવાની તક મળશે. બાય-બેકની પ્રક્રિયા કંપની દ્વારા નક્કી કરવામાં આવેલી શરતો, નિયમો અને લાગુ પડતી કાયદાકીય જોગવાઈઓ અનુસાર હાથ ધરવામાં આવશે.
૩૭મી વાર્ષિક સામાન્ય સભામાં શેરધારકો દ્વારા તમામ પાંચ ઠરાવોને મળેલી નોંધપાત્ર બહુમતી કંપનીના વિવિધ નિર્ણયો પ્રત્યે શેરધારકોના સમર્થનને દર્શાવે છે. ખાસ કરીને ૯૮.૬૭% મત સાથે મંજૂર થયેલો ઓફિસ પ્રિમાઇસિસ બાય-બેકનો ઠરાવ કંપનીના ભવિષ્ય માટે મહત્વપૂર્ણ નિર્ણય તરીકે જોવામાં આવી રહ્યો છે. તેમ કંપનીની યાદીના અંતે જણાવાયું છે.
(1:12 PM IST)
છેલ્લા 8 દિવસમાં સૌથી લોકપ્રિય 
