(વિનોદ ગાલા દ્વારા) ભુજ,તા.૨૦: ભુજમાં પારસ રમેશગર ગુંસાઈએ જાહેરમાં કાર ઉપર કેક કાપી હાથમાં બિયરની બોટલ લઈ બિયર પી તેનો વીડિયો સોશ્‍યલ મીડિયામાં વાયરલ કરી ચકચાર સર્જી હતી. જાણે પોલીસ કે કાયદાનો ડર ન હોય તેમ દારૂબંધીના કાયદાની મજાક ઉડાવતો આ વીડિયો લોકોમાં ચર્ચાનું કેન્‍દ્ર બન્‍યો હતો. જોકે, પોલીસનું ધ્‍યાન પડતા જ પﾍમિ કચ્‍છ એલસીબીએ પારસ રમેશગર ગુંસાઈને ઝડપી કાયદાનું ભાન કરાવ્‍યું હતું. ભુજના લોટસ કોલોની વિસ્‍તારમાં રહેતા આરોપી પારસ વિરુદ્ધ ગાંજા, દારૂ અને હથિયાર બંધીનો કેસ થઈ ચૂક્‍યા છે. તે હાલ જ જેલમાંથી છૂટ્‍યો છે. પોલીસે તેની સાથે રહેલા બીજા આરોપી અજય લોહરા ની પણ તપાસ હાથ ધરી છે.