ભાવનગર જિલ્લાના મહુવા શહેર સહિત આસપાસના ગ્રામ્ય વિસ્તારો એવા કુંભણ, બોરડી, સેદરડા અને શેતરાણા સહિતના ગામોમાં ભારે પવન અને ગાજવીજ સાથે ચાલુ સિઝનનો પ્રથમ વરસાદી માહોલ જામ્યો છે અને ઠેર-ઠેર હળવાથી ભારે વરસાદી ઝાપટાં પડ્યા છે. લાંબા સમયની પ્રતીક્ષા બાદ મેઘરાજાના આગમનથી વાતાવરણમાં ક્ષણિક ઠંડક પ્રસરી છે, પરંતુ અસહ્ય ઉકળાટ અને બફારાની સ્થિતિ વચ્ચે ચોમાસાના પ્રથમ રાઉન્ડમાં જ PGVCL તંત્રની પ્રી-મોન્સૂન કામગીરીની પોલ ખુલ્લી પડી ગઈ છે, જેમાં માત્ર સામાન્ય વરસાદ ખાબકતાની સાથે જ ગ્રામીણ વિસ્તારોમાં કલાકો સુધી વીજળી ગુલ થઈ જતાં સ્થાનિક રહીશોમાં તંત્ર સામે ભારે રોષ જોવા મળી રહ્યો છે.