(મહંમદ રાઠોડ દ્વારા) વાંકાનેર તા. ૧૦ :.. ગઇકાલે ચોમાસાએ પુરા દેશને કવર કરી લીધુ છે. આઇએમડી તેના માપદંડો ના આધારે જ ચોમાસાની પ્રગતિને જાહેર કરે છે. ગુજરાતને તો ચોમાસા એ આ પહેલા જ આવરી લીધુ હતું. પણ અહીં, ખાસ કરી સૌરાષ્‍ટ્ર-કચ્‍છમાં વરસાદનો અભાવ જોવા મળે છે તે પણ નકારી ન શકાય તેવી વાસ્‍તવિકતા છે. ગુજરાતમાં હજુ એક સપ્તાહ સુધી વરસાદી વિરામની સંભાવના જોવા મળી રહી છે. આ બ્રેક મોન્‍સૂન કન્‍ડીશનમાં કયારે બદલાવ આવશે? તે પૂર્વે સપ્તાહ દરમ્‍યાન આભ ગોરંભારેલુ રહે, કયાંક છાંટા છૂંટી વરસે પણ ભારે વરસાદની સીસ્‍ટમ્‍સ કયારે આવશે ? તે અંગે આઇએમડીના સાપ્તાહિક રાષ્‍ટ્રીય દૈનિક પ્રસારણમાં દેશના મેપમાં ગુજરાત માટે આજથી ૧પ જૂલાઇ સુધી કોઇ જ એલર્ટ વિના ગુજરાતને ગ્રીન દર્શાવાઇ રહ્યુ છે. અર્થાત આ સમય દરમ્‍યાન ડ્રાઇ વેધર રહેશે.

૧૬ જૂલાઇ પછી વરસાદની સંભાવના ગુજરાતમાં વધી શકે તેવું ઇસીએમડબલ્‍યુએફ મોડેલમાં જોવા મળે છે.

બંગાળની ખાડીમાં આગામી ૧૩-૧૪ જુલાઇ આસપાસ એક અને ર૦ જુલાઇ આસપાસ બીજી લો-પ્રેસર સિસ્‍ટમ્‍સ ઉદ્‌્‌ભવી શકે છે. જેના પ્રભાવે ૧૬ જૂલાઇ બાદ દેશના પﾍમિ વિસ્‍તાર, ગુજરાતમાં પણ વરસાદી માહોલ વેગ પકડી શકે છે.