બોટાદના કોળી યુવાન પાસેથી રૂપિયા એક કરોડના કરાયેલા કથિત તોડકાંડ મામલે કોળી સમાજની મળેલ બેઠકમાં ગાંઘીનગરથી લઈને દિલ્હી સુધી રજૂઆત કરવાનુ નક્કી કરાયું છે. ભાજપના આગેવાને પોલીસને હાથો બનાવીને કરાયેલ તોડનો કોઈ એક કેસ નહી પરંતુ વિવિધ સમાજના અન્ય યુવાનોને પણ ધમકી આપીને તોડ કરાયેલ છે. આ બધા કિસ્સામાં હાલ તોડ કરનારા રાજકીય અગ્રણી અને પોલીસ તેમજ ભોગ બનનાર યુવાનોના નામ જાહેર નહી કરાય. જરૂર પડ્યે એક પછી એકને જાહેરમાં લાવીને તોડ કરનારાઓને ખુલ્લા પાડવામાં આવશે.