( પ્રવિણ વ્યાસ દ્વારા ) મોરબી : પશ્ચિમ ગુજરાત વીજ કંપની લિમિટેડ (PGVCL) વર્તુળ કચેરી મોરબી દ્વારા રોજગારીની તકો પૂરી પાડવાના હેતુથી એપ્રેન્ટિસ લાઈનમેનની જગ્યાઓ માટે ભરતી પ્રક્રિયા હાથ ધરવામાં આવી છે. આ ભરતી અંતર્ગત 10 પાસ તેમજ ITI (ઇલેક્ટ્રિકલ/વાઈરમેન) ઉત્તીર્ણ કરેલા યુવા ઉમેદવારો માટે એક ઉત્તમ તક ઊભી કરવામાં આવી છે.
   શ્રમ, કૌશલ્ય વિકાસ અને રોજગાર વિભાગના 'અનુબંધમ પોર્ટલ' પર જોબ આઈડી નંબર 543901219 થી આ ભરતી માટેની જાહેરાત બહાર પાડવામાં આવી છે. આ ભરતી અન્વયે ઉમેદવારોની વયમર્યાદા 18 થી 25 વર્ષ નિર્ધારિત ક૨વામાં આવી છે, જેમાં નિયમોનુસાર 5 વર્ષની છૂટછાટ મળવાપાત્ર રહેશે. લાયકાત અને રસ ધરાવતા ઉમેદવારોએ રોજગારીની આ તકનો લાભ લેવા માટે આગામી તારીખ 25-10-2026 સુધીમાં અનુબંધમ પોર્ટલ (anubandham.gujarat.gov.in) પર પોતાની ઓનલઈને અરજી કરી દેવા મોરબી જિલ્લા રોજગાર અધિકારીની યાદીમાં જણાવાયું છે.